A Mariña, 1 de xuño, 2020. Dende o pasado 11 de marzo, dada a alerta sanitaria existente e aínda antes da declaración do estado de alarma, a asociación A Mariña comezou a extremar as súas precaucións fronte ao COVID-19. Ese día quedaron restrinxidas as visitas á unidade residencial e estremáronse as medidas de protección e hixiene. Ao día seguinte restrinxíronse as saídas do centro, adaptando as súas instalacións para que as persoas internas puidesen dispor de máis servizos e actividades de ocio dentro. Igualmente, estanse a desinfectar as zonas exteriores da unidade residencial diariamente dende o 21 de marzo grazas ó Concello de Cervo.
Durante todo este tempo de adaptación ás novas circunstancias, A Mariña traballou duramente para garantir o mantemento dunha atención axeitada, de calidade e moi necesaria ás persoas con problemas de saúde mental.
Dende o comezo da crise sanitaria séguese a atender aos 92 usuarios, realizando actuacións en varios eidos nos distintos dispositivos, xa que os CENTROS DE REHABILITACIÓN PSICOSOCIAL E LABORAL permaneceron pechados ata o día de hoxe tendo que recibir os usuarios atención telemática e domiciliaria.
Hoxe abrimos os Centros de Rehabilitación Psicosocial e Laboral de Burela e Ribadeo, primeiro para facer unha valoración psicolóxica individual, previa cita ,para nuns días contar con actividade presencial en pequenos grupos de mañá e de tarde ; cumplindo coas recomendacións para a reactivación por parte do Sergas.
A partir de hoxe tamén se comezará co servizo de limpeza e desinfección diaria por parte de empresas especializadas, ampliando , por tanto, este servizo.
Ao largo destes dous meses e medio fixéronse moitas intervencións para promover a estabilidade clínica dos nosos usuarios, xa que as persoas que presentan un trastorno mental severo constitúen un colectivo de especial atención ante o risco de que poidan presentar descompensacións na súa patoloxía de base. Estes son os datos mais relevantes :
-Fixéronse un total de 1470 acompañamentos terapéuticos , 1413 atencións psicosociais e 472 atencións domiciliarias.
As atencións en piso protexido suman un total de 2569 actuacións (conviven 5 usuari@s) as da vivenda de mulleres víctimas de violencia de xénero 3678 (conviven 4 usuarias) e as da Unidade Residencial 9463 (conviven 24 usuari@s).
Tamén se fixeron 291 atencións a familiares e este fin de semana reanudamos as visitas con todas as garantías debido a un protocolo preventivo.
Ata o pasado 25 de Maio conseguiramos o máis importante, cero descompensacións psiquiátricas e por tanto cero ingresos na Unidade de agudos do servizo de Psiquiatría. Ese día tivemos o primeiro.
Pero agora toca vivir unha nova “normalidade” e para iso comezamos con novos proxectos terapéuticos e formativos e nesta nova forma de traballar, temos previsto que cada usuario teña o seu material individualizado, para evitar compartir, e así non asumir riscos .
Aquí é onde temos que agradecer á Asociación de Mulleres de San Ciprián a súa colaboración co noso colectivo, donándonos material para a actividade terapéutica de “Arteterapia”. Grazas a esa donación cada usuario contará coa súa carpeta na que haberá libro de mandalas, folios, lápices, gomas, afilas, lápices de colores, rotuladores…. o que redundirá nunha mellora terapéutica de cada usuario.
A Asociación de Axuda ó Enfermo Mental A Mariña foi fundada en 1999 por familias afectadas por problemas de saúde mental que uniron os seus esforzos para loitar por un obxectivo común: lograr que aos enfermos mentais e ás súas familias se lles preste unha axuda e asistencia continuada, buscando a súa integración na sociedade e traballando, para iso, na súa rehabilitación. Actualmente conta con Centros de Rehabilitación Psicosocial e Laboral en Burela e en Ribadeo, un piso protexido en Burela, a Unidade Residencial de Cervo e unha vivenda para mulleres con enfermidade mental vítimas de violencia de xénero. Forma parte, xunto a outras 14 asociacións galegas, da federación Saúde Mental FEAFES Galicia.
A Asociación de Axuda ó Enfermo Mental “A Mariña” comezou coa desescalada
Relacionado
-
Mondoñedo acolleu este sábado a XII Xornada Anual da SOGAMP, centrada nos retos da medicina preventiva
-
A Xunta impulsa en Ribadeo a celebración do foro ‘España Verde: un destino de calidade’ para reforzar a oferta turística da Mariña
-
Barreiros será sede do curso “Emprender no sector turístico na Mariña Lucense” do 6 ao 9 de xullo
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
