Ribadeo, 1 de xuño de 2020. Acisa Ribadeo distribúe cartelería nos locais de hostalería, que estes días abren as súas portas, coas recomendación fronte ao Covid-19 e entrega material nos comercios asociados para dar a coñecer os prezos especiais que moitos realizan antes das rebaixas de verán. O slogan elixido para esta ocasión é Prezos especiais para ti.
O xerente de Acisa, Jesús Pérez, declarou que “no contexto que vivimos agora mesmo non queremos promover unha campaña masiva de descontos, xa que cada comercio coñece as súas singularidades. Queremos dicirlle á cidadanía que, si ven a Ribadeo, poderá encontrar nalgunhas tendas, prezos especiais diante dunha situación especial, e para elo o que facemos é darlles materiais gratuítos aos nosos asociados e asociadas. En cada comercio deben tomar as súas decisións, pode haber establecementos que teñan necesidade de sacar stock de tempada, pode haber negocios que necesiten liquidez e pode haber outros que poidan evitar facelo. Todo vai en función do produto que vendan. Por iso nosoutros dámoslle os recursos, a quen o necesite, de forma gratuíta xa que bastante diñeiro teñen perdido como para non axudarlles con estes materiais”.
Esta campaña de prezos especiais está deseñada co debuxo e o slogan de Carla García López, gañadora do concurso Polos nosos negocios, convocado por Acisa durante o confinamento, co propósito de fomentar a compra no comercio local.
A esta iniciativa Acisa une o reparto de cartelería específica para a hostalería con indicacións en prevención de riscos e relativas ao coronavirus. Trátase de carteis para baños así como para o local coas normas específicas que se deben cumprir en bares, cafeterías e restaurantes.
Convenio coa Anpa A Faxarda
Por outra banda Acisa Ribadeo ven de firmar un novo convenio colaborativo coa Anpa A Faxarda do colexio Gregorio Sanz para fomentar a compra na vila ribadense a través de pequenos descontos. Segundo indicou o xerente de Acisa, Jesús Pérez: “este convenio beneficia arredor de 400 alumnos e algo máis de 300 familias, así como ao profesorado do centro. O funcionamento é moi sinxelo, acreditándose como membro do colexio, alumno ou familiar, a través da aplicación móbil Abalar poderán desfrutar dun prezo especial en case todas as tendas asociadas a Acisa Ribadeo. Cada establecemento fixará a oferta que crea convinte, ben sexa redondeo do prezo, desconto ou vale de compra. Trátase de converter o tradicional trato especial que se fai a un cliente habitual, nun reclamo para ventas. Nesta época de inicio de verán, e polo tanto de compras de roupa de tempada e de praia, así como de cara a setembro coa volta ao colexio, é un bo incentivo para que se acuda ao comercio local de Ribadeo e non a grandes áreas comerciais”.
Centralización de compras
Acisa ven de poñen en marcha un servizo de centralización de compras, que está destinado especialmente á hostalería. Desde a xerencia sinalaron que “sendo conscientes de que moitos hostaleiros precisan de máis cantidade de materiais de protección e hixiene para os seus locais, o que fixemos foi un ofrecemento para realizar os grandes pedidos desde a nosa asociación co obxectivo de conseguir mascarillas, xeles, etc… ao mellor prezo. Referímonos a pedidos de máis de 500 mascarillas por local ou a xeles en formato garrafa. Os negocios interesados o único que teñen que facer é poñerse en contacto con Acisa no 672 24 82 26 e xa lles explicamos todo”.
Desde Acisa lembraron que “ademais seguimos contando con material gratuíto para seguir repartindo en pequenas cantidades, tal e como viñemos facendo ata o de agora”.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.