Ribadeo, 29 de xuño de 2020. Acisa Ribadeo estrea nova sede, situada na rúa San Roque, 57-baixo. Este traslado enmárcase no proxecto de renovación da asociación iniciado hai unhas semanas co cambio da imaxe corporativa.
O xerente de Acisa, Jesús Pérez, explica que “o novo local, máis amplo, permite á asociación ter unha oficina máis accesible para os usuarios, así como sala de reunión e un almacén de materiais máis grande. As novas instalacións, situadas nun lugar máis céntrico de Ribadeo, ofrecerán mellores servizos aos socios e permitirá amplialos de cara ao futuro”.
O presidente da asociación ribadense, Francisco Iriarte, sinala que “a nova sede de Acisa foi reformada por provedores locais asociados, seguindo co compromiso da asociación de comprar en empresas de Ribadeo, tanto a carpintería, a electricidade, a imaxe e todos os profesionais que foron necesarios para o acondicionamento das novas oficinas”.
Iriarte Quintana engade que “Acisa segue deste xeito no proceso de renovación, iniciado hai unhas semanas, tras o cambio de imaxe corporativa e do logotipo, mentres continúa a campaña de promoción Pensando en ti. En vindeiras datas lanzarase de forma definitiva a app Ribadeo, cerca de ti, que foi paralizada durante o estado de alarma, para que estea plenamente operativa e adaptada ás novas necesidades, tanto para veciños e veciñas como para visitantes.
Pérez Prada conta que “coa inauguración da nova sede, Acisa adapta os seus horarios e o de verán será de 10:00 a 14:00 horas, de luns a venres, ata o día 30 de setembro. O horario de inverno será de 10:00 a 14:00 e de 16:00 a 19:00 horas, de luns a venres. As canles de contacto, en horario de oficina, son a través dos números de teléfono 982 120 565 ou 663 39 62 26, e do mail info@acisaribadeo.es”.
Ampliacións horarias
O xerente de Acisa tamén comentou que “hoxe recibimos da Xunta de Galicia a resolución para a concesión da ampliación horaria para a hostalaría asociada a Acisa Ribadeo para o segundo semestre do ano. Os establecementos contarán cunha hora mais sobre o horario habitual para todas as madrugadas dos xoves, venres e sábados dos meses de xullo, agosto e setembro. Cabe destacar que en relación ao 2019, Acisa conseguiu que neste ano diferente, este permiso se estendera a todo o mes de setembro e aos xoves de verán, algo que o verán pasado non tiñamos. Cremos que pode ser unha ferramenta mais que proporciona a asociación para compensar, na medida das nosas posibilidades, as perdas destes meses”.
Dende Acisa Ribadeo recalcan o seu chamamento á prudencia e a cumprir as normas: “debemos ser prudentes e ser conscientes do que nos xogamos se non cumprimos as normas, tanto referidas á saúde coma á economía do sector e da nosa vila. Agora que saíron as normas para os bares de ocio nocturno, teñamos sentidiño, podemos pasalo ben e non poñernos en risco. Os establecementos coñecen xa as normas que hai que aplicar, e estamos seguros de que o farán, solo nos queda pedirlles aos seus clientes que tamén o fagan. Temos que protexernos polo ben de todos, do noso e dos demais. Se non queremos volver ao confinamento debemos actuar con responsabilidade nos bares, nas terrazas, nos pubs, en todos os locais hostaleiros. Debemos evitar as aglomeracións nos establecementos e tamén na rúa. Só así lle faremos fronte ao Covid-19”.
Pérez Prada tamén indicou que “a ampliación horaria tamén inclúe a ponte festiva do 12 de outubro, a do 1 de novembro e as do mes de decembro da Constitución e das festas de Nadal”.
O presidente de Acisa, Francisco Iriarte, rematou aclarando que “so se poden beneficiar desta ampliación os establecementos asociados a Acisa Ribadeo, por iso dende a asociación creemos que este é un servizo moi interesante e unha vantaxe mais para que outros hostaleiros se dean de alta na nosa asociación”. E subliñou que “esta ampliación é concedida pola Consellería de Presidencia da Xunta, tras un informe favorable do Concello de Ribadeo e da Comisión de Espectáculos Públicos e Actividades Recreativas de Galicia, e está amparado pola Lei 10/2017de espectáculos públicos e actividades recreativas e pola orde do 16 de xuño de 2005, onde se establece a posibilidade de solicitar ditas ampliacións pagando as correspondentes taxas. As forzas de seguridade están ao tanto dos establecementos asociados que se benefician das mesmas para evitar molestias e para velar polo cumprimento desta normativa.”
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
