Burela, 27 de xuño, 2020. O Pescados Rubén Burela FS pelexará polo título de liga mañá ante o AD Alcorcón FS, que onte gañou o pase á gran final grazas aos penaltis nun emocionante encontro ante o Ourense Envialia (3-3). Alfareiras e Laranxas saltarán á pista malagueña do Martín Carpena ante as cámaras de Teledeporte (17.30 horas).
Case once meses despois dese gran comezo de tempada cos títulos de 4Nations Futsal de Milán e a Supercopa de España, o Pescados Rubén Burela está a 24 horas do que pode chegar a converterse na terceira liga para a vitrina mariñá. As Guerreiras, tirando man da súa sempre incansable coraxe, souberon ir medrando partido a partido ante as adversidades e agora, despois de tres meses nos que a pandemia nos azoutou e nos fixo cambiar a todos a nosa forma de ver o mundo, teñen por diante o reto máis ilusionante: poder brindar unha gran alegría para a afección, A Mariña e toda a Familia Laranxa.
Alcorcón será o rival a bater. As madrileñas estrearon o play off exprés de Primeira RFEF Feminina cun magnífico espectáculo; a renda de 0-3 esvaeuse cunha gran reacción do Ourense Envialia na segunda parte, aínda así a fortuna dos penaltis caeu do lado do equipo que tomou a iniciativa no electrónico. O único enfrontamento da tempada entre madrileñas e mariñás tamén quedou en táboas (2-2), na xornada 10 en Vista Alegre.
Esta será unha final sen dúbida diferente, sen público para cumprir coas medidas sanitarias e coidar da saúde de tod@s e sen a sempre incondicional Marea Laranxa. No entanto, as Guerreiras sentiranse igualmente arroupadas sabendo que centos de miradas mariñás estarán seguindo o partido co mesmo pulo que se estiveran na bancada do Martín Carpena. Porque, sen dúbida, sodes a mellor afección de España!!!!
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
