Foz, a 4 de xuño de 2020. Ante as afirmacións torticeiras e manipuladas do goberno Psoe-Bng respecto á débeda polos gastos da selectividade ao Concello de Viveiro queremos aclarar varias cousas.
Primeiro: Que a débeda está baseada nun convenio que intervención entende que non ten validez por ser un servizo que non é competencia do Concello e as facturas presentadas polo concello de viveiro sempre foron reparadas pola intervencion que entende non son legais. Nun sentido xenérico o que se esgrimía é que o Concello de Foz non pode pagar facturas a outro Concello por un servizo que non é da súa competencia.
Segundo:Que a débeda existente non so é do goberno popular que estimaba que non se podía levantar ese reparo e o comunicou insistentemente ao Concello de Viveiro, senón tamén do anterior goberno socialista que facía exactamente o mesmo.
E Terceiro: Se o bipartito quere facer ese pago será incumprindo os informes de intervención incluindo o expediente nun recoñecemento extraxudicial de 635.000 que leva ao pleno e que precisamente Psoe e BNG nos últimos anos votou en contra precisamente por ter reparos de intervención.
A xestión económica popular nestes anos é intachable e exemplar, non así as do último goberno socialista de Rivera. Proba delo é que se o goberno actual vai pagar esa débeda omitindo o informe dos técnicos é porque quedaron 4 millóns de euros de remanente e depositados nas contas bancarias do Concello de Foz, 8 veces máis (según as actas de arqueo) que o que recibeu o PP no 2011, pola contra o endebedamento que recibiu o Bipartito focense son 8 veces menos que o que recibiu o PP no 2011.
Dicímoslle ao bipartito que empece a traballar e faga algo e se deixe do postureo sanchista pouco beneficioso para os veciños de Foz, posto que despois de un ano o único que fixeron foron obras xestionadas polo PP de Foz no anterior goberno que pertencían ao Plan Único 2019 ou aos orzamentos tamén do ano 2019 que eles mesmos votaron en contra.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
