Monforte, 28 de xuño, 2020. O número 2 do Partido Popular pola provincia de Lugo e conselleiro de Economía, Emprego e Industria da Xunta de Galicia, Francisco Conde, acompañado das tamén candidatas, Raquel Arias, Susana López Abella e Katy Varela, mantivo esta tarde en Monforte de Lemos un encontro con mozos da comarca e cos veciños de As Lamas.
Conde salientou a importancia de apostar pola xuventude e por facer políticas que favorezan a súa presenza no rural. Neste sentido, avogou por seguir desenvolvendo desde a Xunta iniciativas formativas e laborais, así como de emprendemento, como é o caso do coworking da Ribeira Sacra que está permitindo iniciar e consolidar proxectos empresariais de futuro na comarca.
O Goberno de Galicia, liderado por Alberto Núñez Feijóo, puxo en marcha en marzo deste ano a quinta edición desta iniciativa con 17 emprendedores inscritos. Os participantes reciben así asesoramento e apoio integral para poder poñer en marcha as súas empresas. O programa desta edición abarca diversos sectores produtivos: enerxías renovables, turismo sostible, agroalimentación e ocio especializado.
Este espazo Coworking, instalado en Expolemos, ofrece asesoramento durante 5 meses. Malia que está concebido para emprendores que aínda non formaron a súa empresa, tamén participan persoas que están nunha fase inicial de desenvolvemento do seu proxecto.
TRES NA PROVINCIA
Este ano son tres os coworking que se desenvolven na provincia de Lugo, xa que a Consellería de Economía, Emprego e Industria reforzou para 2020 a súa aposta polo emprendemento coa posta en marcha de tres novas aceleradoras en toda a Comunidade; unha delas en Palas de Rei. Este novo espazo promoverá actividades relacionadas co Camiño de Santiago para fomentar as iniciativas empresariais na ruta xacobea, e súmase aos iniciados en Monforte e Mondoñedo.
A través das catro convocatorias anteriores levan apoiado as iniciativas de 187 emprendedores e a creación e consolidación de 85 novas empresas. Os espazos coworking forman parte da plataforma StartIN Galicia, que agrupa a todas as aceleradoras que apoia a Administración autonómica e que permitiu nos últimos cinco anos impulsar máis de 1000 proxectos emprendedores en todo o territorio. Dentro desta plataforma de apoio integral desenvólvense as business factories e outras aceleradoras como Agrobiotech, ViaGalicia, Galicia Open Future e Connecting For Good Galicia.
PROXECTOS ÚTILES
Francisco Conde amosou así o compromiso do PPdeG de seguir traballando desde a planificación e o consenso para levar a cabo proxectos útiles e con futuro para Monforte de Lemos e toda a provincia de Lugo. “Unha xestión, dixo, responsable e con experiencia fronte ao experimento no que se vería inmersa Galicia cunha amalgama de partidos no Goberno galego”.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
