Lugo, 10 de xuño de 2020. A deputada de Medio Rural, do Mar e Mocidade, Mónica Freire, mantivo unha reunión con asociacións que forman parte do tecido produtivo agrogandeiro para tratar a situación dos sectores estratéxicos na provincia durante a crise sanitaria da Covid-19.
Xunto coa deputada nacionalista participaron: Román Sánchez Besteiro, da cooperativa A Carqueixa dos Ancares, Rosa Maseda Bello da Asociación de Gandeiros da Fonsagrada, Carlos Rojo Pombo e Orlando González Folgueira da Asociación de criadores de ovino e caprino de Galicia (Ovica), Isabel Vilalba Seivane do Sindicato Labrego Galego e Elías Somoza Regueiro da Federación Rural Galega (Fruga).
Durante a xuntanza virtual acordouse solicitar un encontro co conselleiro, José González Vázquez, para trasladarlle un informe coas conclusións da xuntanza no que se especifican as necesidades e demandas máis urxentes do noso sector primario.
Mónica Freire explicou que “a maioría das asociacións demanda un maior compromiso por parte da Consellería de Medio Rural da Xunta de Galicia, quen ten as competencias na materia coa posta en marcha de acións reais na loita contra as consecuencias da pandemia no sector primario produtivo”.
Entre as medidas urxentes destaca a necesidade de establecer uns prezos mínimos para os produtores que se integraron na plataforma Mercaproximidade, impulsada pola propia Consellería de Medio Rural da Xunta de Galiza. O prezo de venta da plataforma supón unha perda en torno ao 20-25% respecto ao prezo medio de referencia dos últimos anos nas mesmas datas.
A deputada mariñá subliñou que “a plataforma de venda en liña só permite a compra por parte das grandes distribuidoras, non dos pequenos comercios, reforzando a posición de forza que teñen estas empresas fronte aos produtores”. Nesa liña, Mónica Freire explicou que mentras, neste contexto de crise, os agricultores e gandeiros cobran menos polos seus produtos os prezos seguen a subir para os consumidores, como reflicten os datos do IPC.
Por outra banda, a deputada nacionalista sinalou que “se fai imprescindible a posta en funcionamento de axudas de mínimis para o sector agrícola, en especial para os/as criadores/as de ovino e cabrún, os/as gandeiros/as de vacún de carne, os/as produtores/as de horta e flor ornamental ou cortada, así como sectores tan sensibles e dependentes da hostalaría e restauración como o sector vitvinícola ou o da pataca”, sinalou a deputada nacionalista.
En próxima datas, a área de Medio Rural, do Mar e Mocidade ten previsto continuar coas videoxuntanzas temáticas e sectoriais, como con algún dos concellos máis afectados pola pandemia e outros axentes como o colectivo investigador no Campus Terra da universidade, os colectivos profesionais de enxeñeiros/as técnicos/as agrícolas e veterinarios/as e as comunidades de montes veciñais en man común, co obxectivo de seguir elaborando un programa de medidas que axuden a minimizar as consecuencias da pandemia.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
