Viveiro, 18 de xuño de 2020. O Concello de Viveiro informa aos veciños e veciñas de Viveiro que a Biblioteca Municipal reabrirá o vindeiro luns, 22 de xuño. O horario de apertura ao público será de luns a venres, de 8:00 a 15:00 horas, e os sábados, de 9:00 13:00 horas. Esta apertura realízase limitando o seu aforo ao 75% da súa capacidade e debendo cumprir, en todo caso, a distancia social de seguridade de 1,5 metros.
Atendendo ás limitacións e recomendacións establecidas polas entidades competentes, co fin de garantir a seguridade e saúde pública, establecéronse unha serie de normas co fin de realizar un uso responsable destas instalacións nas que, nun primeiro momento, estarán dispoñibles os servizos de información bibliográfica, préstamo e devolución, estudo en sala e uso dos ordenadores da biblioteca.
Para o préstamo e devolución e préstamo de libros, será o persoal da biblioteca o encargado de recoller o material que se entrega ou quere levar cada usuario en préstamo. Tras a devolución dos libros emprestados, este material será retirado para gardar unha corentena durante 14 días. Tendo en conta que os libros non se poderán tocar, recoméndase a consulta previa do fondo bibliográfico das bibliotecas públicas para intentar mirar as opcións existentes e levar pensado en que libros se está interesado, aínda que o persoal da biblioteca tamén axuda aos lectores a realizar as súas escollas.
Nas salas de estudo establécese un aforo reducido e pídese, para garantir unha mellor seguridade, que cada usuario se encargue da limpeza do espazo que estivo ocupando tras o seu uso material que estará á súa disposición na propia sala. Igualmente, os ordenadores tamén se limparán tras cada uso; atendendo ás restricións establecidas, o uso dos ordenadores quedará limitado a unha hora e media por día e persoa.
A zona infantil vai estar pechada, polo que só se poderán coller libros en préstamo, pero non poderá ser utilizada para ler nin estar alí, segundo as indicacións sanitarias. Tampouco estará a disposición dos usuarios a prensa en papel, que poderá ser consultada dixitalmente nos ordenadores existentes.
As coleccións en libre acceso estarán pechadas ao público, pero os usuarios poden solicitar estas obras ao persoal da biblioteca para ser consultadas.
Co fin de garantir a limpeza das instalacións, o ascensor poderá ser utilizado unicamente por aquelas persoas que presenten mobilidade reducida. O uso dos baños realizarase, así mesmo, previa petición á bibliotecaria.
Lémbrase que a biblioteca municipal cumpre coas condicións de limpeza e desinfección adecuadas. Recoméndase a hixiene de mans ao entrar na biblioteca, para o que se pode facer uso do xel hidroalcólico posto á disposición dos usuarios, e indícase que é necesario o uso de mascarilla para acceder ás instalacións municipais, tendo en conta a dificultade do mantemento da distancia social. Finalmente, rógase que en todo momento se sigan as instrucións das bibliotecarias.
O luns abre a biblioteca de Viveiro co 75% do aforo
Relacionado
-
O alumnado de 6º de Primaria do Sagrado Corazón de Ribadeo celebra a súa graduación e paso á ESO
-
O BNG facilita a aprobación dos orzamentos de Foz pero advirte que “non é un cheque en branco”
-
Este luns abre o prazo para solicitar autorizacións para celebrar comidas na rúa durante a Feira Renacentista de Viveiro
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
