Lugo, a 24 de xullo de 2020. A administración local asume competencias que atenden as necesidades dos cidadáns na maior parte dos ámbitos que inciden directamente na súa calidade de vida. Para superar a pasada crise económica, pedíuselles un esforzo que os concellos e deputacións, na súa maior parte, asumiron con rigor. A día de hoxe as entidades locais dispoñen de aforros (remanente) que precisan para atender as necesidades dos veciños no campo das súas competencias. Agora o Goberno presidido polo socialista Pedro Sánchez intenta meter a man na bolsa dos aforros municipais e provinciais. O grupo provincial do PP, que ten por portavoz a Javier Castiñeira, oponse rotundamente a que concellos e deputacións se vexan privados de usar o aforro conseguido para mellorar a calidade de vida dos seus veciños e instan aos socialistas a expresar a súa oposición ao Goberno de Pedro Sánchez. Castiñeira anuncia: “Estaremos absolutamente en contra de que o Goberno saquee as contas das entidades locais e así o faremos na Deputación de Lugo e en todos os concellos da provincia”.
Castiñeira sinala: “Queremos mostrar a nosa absoluta desconformidade coa intención do Goberno central de facerse cos aforros das entidades locais; entendemos que é un ataque a autonomía local que o Goberno do Estado intente paliar a súa nefasta política económica e de prebendas electorais saqueando as arcas de concellos e deputacións. As entidades locais fixeron o seu traballo nestes últimos anos, con moitísimo esforzo, ao amparo da Ley de Sostenibilidad Financiera deseñada polo Goberno de Rajoy, e conseguiron xerar aforros que son moi necesarios opara afrontar os próximos anos de crise”.
O portavoz popular tamén declara: “Os aforros dos concellos e deputacións son necesarios para poder cumprir os compromisos cos nosos veciños. No que se refire á Deputación, é un exemplo clarísimo: se o Goberno central leva adiante a súa intención, quedarían en dúbida diferentes actuacións que dependen do remanente, como é o Plan Único, que o próximo martes se aprobará definitivamente; finánciase con 11 millóns, practicamente a metade do seu importe, a cargo do remanente, dos aforros de anos anteriores, que van directamente aos concellos lucenses”. Engade: “Se en exercicios sucesivos a Deputación de Lugo non pode usar o remanente estaría en dúbida o Plan Único para os próximos anos, e tamén a construción de varias das residencias previstas; sabemos que parte delas se financian con eses aforros”.
Castiñeira apunta a que os propios socialistas temen que se leve a cabo a medida apuntada polo Goberno e que algúns xa tomaron disposicións para intentar salvar os aforros. O portavoz provincial do PP di: “Chama a atención que o presidente Tomé, como alcalde de Monforte, ante estas informacións, o primeiro que fixo foi salvar o remanente, que dedicou a un plan de axuda a afectados pola covid, comprometendo diferentes inversións. Algo presinte o presidente Tomé cando no seu Concello toma esta decisión”.
Con este xesto simbólico, expresou a súa solidariedade co pobo venezolano, trasladando o seu apoio ás familias das persoas falecidas, feridas e afectadas por unha traxedia que continúa deixando un elevado número de vítimas e miles de damnificados.
Por este motivo, o Concello recomenda ás persoas, colectivos e entidades que precisen facer uso dalgunha instalación municipal ou solicitar material que presenten as súas peticións coa antelación necesaria. A medida permitirá organizar adecuadamente a atención das solicitudes e a planificación dos recursos municipais.
Ao acto, que tivo lugar diante da sede da institución provincial, asistiron deputados e deputadas, membros da corporación provincial e empregados públicos, que gardaron un minuto de silencio como mostra de respecto e solidariedade coas persoas afectadas pola catástrofe. A Deputación quixo así unirse ao chamamento realizado pola FEMP en toda a España, expresando o seu apoio ao pobo venezolano nestes momentos de especial dificultade.
A alcaldesa, Dolores García Caramés, visitouna no seu domicilio para felicitala e entregarlle un ramo de flores en nome de toda a veciñanza. Nada en Sargadelos e veciña de Cervo, foi a máis nova de dez irmáns e desde moi nova traballou no campo e coidou dos animais, sempre cun gran espírito de esforzo. Nai, avoa e bisavoa, a súa familia destaca a súa alegría, enerxía e bo humor. Moi activa ao longo da súa vida, gozaba de viaxar, da praia, de conducir e de participar nas actividades municipais, ademais de cultivar a súa paixón por cantar. Coqueta, sorrinte e cun espírito novo, Benedicta é hoxe un exemplo de vitalidade para todo o municipio.
O Pazo de San Marcos acolleu a conferencia final, de Manuel Andrade Baliño, e a entrega de premios ás alumnas e alumnos que obtiveron mellores valoracións nas probas que realizaron, o xoves, individuais, na Facultade de Formación do Profesorado de Lugo, e o venres, por equipos, en Mondoñedo. A final do certame, cunha axenda complentaria que achegou ás rapazas e rapaces ao patrimonio e á cultura, celebrouse por primeira vez en Lugo da man da Asociación Galega de Profesorado de Matemáticas (Agapema) e coa colaboración da área de Cultura da Vicepresidencia da Deputación.
Dentro desta programación, o martes 30 de xuño ás 11:00 celebrarase na Casa da Cultura unha charla divulgativa impartida pola astrofísica Lucía González Cuesta, aberta a toda a veciñanza. A iniciativa enmárcase no programa provincial que busca ofrecer información rigorosa e garantir unha observación segura. Durante a xornada repartiranse folletos e gafas homologadas. A alcaldesa, Marta Rouco, destaca o carácter histórico do eclipse e anima a participar para vivilo con seguridade. O Concello lembra que só deben empregarse gafas específicas para mirar ao sol e continuará colaborando en actividades divulgativas e sociais arredor deste acontecemento único.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
