Lugo, 27 de xullo de 2020. O BNG presentará unha moción en defensa da autonomía dos concellos no uso dos seus remanentes. Os nacionalistas instan á corporación provincial a apoiar a proposición e posicionarse en contra do anuncio do goberno central, que pretende facerse coa xestión dos recursos das entidades locais.
O pasado 15 de xullo, o Ministerio de Facenda facía pública unha proposta que sentaba as bases para que o Estado dispuxese dos aforros dos concellos. Segundo se anunciou, os concellos terían que trasferir eses fondos ao Estado a través dun préstamo a devolver en 10 anos.
O BNG califica a proposta como unha “tentativa de incautación ou bloqueo dos fondos municipais” e considera “inaceptable” que o goberno central pretenda “dotarse de liquidez a costa dos concellos galegos”, mais “nun momento de crise sen precedentes no que cada euro conta para poñer en marcha medidas de reactivación da economía local e para sufragar a prestación de servizos á veciñanza”. Os nacionalistas reclaman que “sexan os concellos os que dispoñan dos seus recursos para os fins que consideren segundo as urxencias de cada municipio”.
Na moción, o BNG insiste en demandarlles á PSOE e Partido Popular a derrogación da Lei Montoro, que limita a capacidade dos concellos para financiar investimentos e servizos. Nesa liña, os nacionalistas critican que o Estado manteña estas restricións aos concellos mesmo cando a Comisión Europea acordou flexibilizar a limitación de endebedamento dos países membros para afrontar a crise derivada da Covid 19”.
O BNG defende a autonomía dos concellos no uso dos remanentes fronte ao goberno central , que pretende acaparar eses recursos municipais
Relacionado
-
O PSdeG defenderá no Pleno da Deputación un novo modelo contra os incendios forestais e máis recursos para o ensino público
-
A Xunta recibe 7 ofertas para a redacción do proxecto construtivo da variante leste de Viveiro
-
O PP leva ao Senado o recorte do horario de atención ao público nos cuarteis da Garda Civil da provincia
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
