Viveiro, 10 de xullo, 2020. O BNG de Viveiro destaca un novo incumprimento da moción aprobada en sesión plenaria do 2 de outubro, onde todos os partidos que forman a Corporación Municipal de Viveiro acordaron colocar propoganda electoral exclusivamente nos paneis habilitados e luminarias do concello. Anteriormente saltárase o acordado o PSOE, desta volta, é o PP de Feixóo colocando pancartas fóra dos lugares habilitados, como pontes, verxas, etc.
Semella que no PP andan nerviosos e saben que as enquisas non son favorables, xa que as tendencias apuntan unha notable subida do BNG coa gran posibilidade de termos a primeira presidenta da Xunta de Galiza. Por isto, o PP en Viveiro lanza unha campaña meramente propagandística, saltándose incluso as propias normas establecidas sobre os lugares habilitados para este fin, ou repartindo publicidade en man, cando o resto de partidos que se presentan cancelaron a campaña polo rebrote tan activo que está haber na Mariña. Xa quedou clara esta actitude de Feixóo obrigando a celebrar unhas votacións cunha participación condicionada por motivos sanitarios.
Bermudez recordou os incumprimentos de Feixóo con Viveiro nos últimos 11 anos: “Para Feixóo, en Viveiro hai 13.000 votantes (por censo electoral) e non 16.000 persoas, chegan con anuncios e moita propaganda para captar votos, pero a veciñanza sabe que a realidade é máis dunha década sen saneamento da Ría, 20 anos dende que Feixóo anunciou a chegada da variante de Viveiro, dunha fachada marítima incompleta, de abandono do rural… E para rematar, mira para outro lado ante o desmantelamento industrial e a crise do COVID.”
Por outra banda, Bermudez dí: “a política propagandística do PP non vai evitar que Ana Pontón sexa a nosa presidenta, xa que o voto ao BNG é un voto seguro para a veciñanza de Viveiro. Temos que conquistar o futuro, porque non podemos deixar que nolo sigan roubando. A diferencia do candidato do PP, Pontón comprometeuse a dar sempre a cara cando haxa problemas. Este país non se merece un presidente irresponsable que actúa con cálculo electoralista mesmo poñendo en risco a saúde das persoas como está pasando co rebrote da Mariña.”
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
