O concello de Ribadeo sacou a licitación as obras de ensanche e reforzo do firme da estrada no núcleo de Marelle, na parroquia de Covelas. o orzamento supera os 62.000 euros

 Ribadeo, 23 de xullo de 2020. O Concello de Ribadeo sacou a licitación polo procedemento aberto simplificado as obras de ensanche e reforzo do firme da estrada no núcleo de Marelle, na parroquia de Covelas.
O concelleiro de Medio Rural, Jesús Mundiña, explicou que “a zona conta cunha lonxitude total de 1050 metros e una anchura de 4 metros. As melloras consistirán na limpeza de cunetas, salvacunetas e pasillos con firme de aglomerado asfáltico en quente de 5 cms de espesor e con zahorra artificial en pasillos de 30 cms de anchura”.
O edil nacionalista indicou que “o proxecto ten un orzamento total de 62.574,36 euros e conta cunha subvención de Agader de 46.383€ cofinanciada nun 75% polo Feader 7,5% polo Ministerio de Agricultura Pesca, Alimentación e Medio Ambiente, e 17,5% pola Xunta de Galicia”.
Mundiña contou que “a licitación está publicada na Plataforma de Contratos do Estado e as empresas interesadas en presentar ofertas teñen de prazo 20 días naturais”.
E engadiu que “coa licitación desta obra, o Concello de Ribadeo continúa actuando nas infraestruturas viarias do rural, estando previsto que este ano saque a licitación varias obras mais de mellora nos camiños rurais”.