Ribadeo, 26 de xullo de 2020. En Ribadeo segue habendo tres positivos por coronavirus e 18 persoas en seguimento nos seus domicilios, segundo os datos que hoxe recibiu o Concello desde a Consellería de Sanidade.
O alcalde, Fernando Suárez, dixo que “coma todos os días, sempre que manden os datos, e mentres non remita esta situación especial, publico o correo recibido da Consellería de Sanidade da Xunta. No día de hoxe seguimos igual ca onte e antonte, con tres positivos, mantendo o número de contactos estreitos en seguimento en 18”.
O rexedor lembrou novamente que “o mellor que tod@s podemos facer é seguir actuando coa precaución debida para ir mellorando e saíndo desta incerta espiral na que estamos metidos. Fagámolo así. Bo domingo”.
Nas súas redes sociais Suárez Barcia aproveitou para dicir “por se non se interpreta ben a foto que publico a diario, que os datos recibidos da Xunta son meramente estatísticos e non suxeitos a interpretación nin valoración polo Concello de Ribadeo. Tan só publicamos o que nos mandan por un principio de transparencia moi acaído sempre, e máis nestes tempos. Nin sabemos se son todos os que son, nin se están actualizados ao minuto ou calquera outra interpretación. Os Concellos non temos capacidades sanitarias para poder contrastar de xeito legal e fiable esta información e moito menos poderiamos vulnerar as leis de protección de datos de carácter persoal”.
E engadiu: “digo igualmente que hai días decidín publicar estes datos á vista da numerosa rumoroloxía que se estendía entre a poboación. Polo tanto, a información que recibe o Concello de xeito oficial, é a mesma que difundimos para coñecemento xeral, nin máis, nin menos”.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
