Burela, 12 de agosto de 2020. O alcalde, Alfredo Llano, declarou que quedan arredor de media ducia de casos positivos de Covid-19 e poucos contactos estreitos de seguimento nos seus domicilios en Burela. O rexedor aposta por non baixar a garda para poder equilibrar a seguridade sanitaria coa socioeconómica.
Alfredo Llano referiuse á vídeo xuntanza mantida esta mañá coas autoridades sanitarias: “evidentemente todas as reunións coas autoridades sanitarias son moi boas para constatar o que está ocorrendo co brote que viñemos atendendo desde o pasado mes de xuño. Hoxe confirmamos que a tendencia dese brote na Mariña é moi positiva, vai practicamente desaparecendo, quedan algúns casos puntuais e en Burela estamos nos 6 ou 7 positivos, pero son persoas que están gardando a súa corentena e que se irán dando de alta en datas próximas”.
O alcalde subliñou que “hai moi pouca xente en seguimento. Chegamos a ter no peor momento arredor de mil persoas en seguimento e agora está practicamente desaparecido”.
O rexedor burelés considera que “fixemos un traballo extraordinario na Mariña e aquí en Burela, onde estivemos doce días máis confinados que no resto da Mariña. A xente respectou as normas e corresponsabilizouse de todo o que se dicía para frear o brote e a cadea de contaxios. Iso penso que nos deu agora motivos para ter confianza e tamén dala á xente que ven de fora. Creo que con esta experiencia A Mariña, e concretamente Burela, saíu gañando e iso é bo”.
Alfredo Llano dixo que “hai que continuar con esa tendencia e insistir nesas medidas que creo que son moi positivas para que equilibremos a seguridade sanitaria coa socioeconómica, de tal maneira que no seu equilibrio poidamos convivir de forma indefinida e practicar unha vida normalizada dentro do ámbito que se permite. Espero que sexa bo para todo o mundo tanto no ámbito social como no económico e tamén no sanitario”.
O alcalde tamén aludiu á situación na que seguirá o ocio nocturno na comarca: “prorrógase no ocio nocturno unha semana máis o aforo do cincuenta por cen. O brote está desaparecendo, pero considérase que hai que ter moito coidado con certas actuacións e en certos ambientes e hai que evitar por encima de todo que existan facilidades para os contaxios. Polo tanto penso que imos ben, que ese brote, que comezou sobre o 22 e 23 de xuño nos deu moito que facer, pero esa aprendizaxe vaise traducir en algo positivo. Así que quero animar á xente a que siga tendo esa responsabilidade e ese comportamento que sempre é bo para o conxunto da poboación”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
