Cervo, a 5 de agosto de 2020. RECOMENDACIÓNS E INFORMACIÓN PARA OS DÍAS 7 E 8 DE AGOSTO
D. Alfonso Villares Bermúdez, alcalde do Concello de Cervo,
INFORMO,
A causa da situación sanitaria provocada polo COVID-19 a segunda fin de semana de agosto non se celebrará a Festa da Maruxaina – aprazada ata o 2021, se as condicións sanitarias o permiten -; nin está previsto ningún acto ou actividade ao redor desta festividade nin por parte do Concello de Cervo, nin da asociación Anxuela, que se encarga da súa organización.
Informamos que eses días extremarase a vixilancia nos espazos públicos (praias, parques, prazas…) para evitar que se incumpran as normativas de seguridade do COVID-19.
Para evitar aglomeracións o Concello non permitirá durante estes dous días a instalación de mesas, cadeiras e/ou toldos nos espazos públicos (praias, parques, prazas…) a fin de garantir a seguridade da cidadanía e evitar a propagación do virus.
Recordamos que na orde publicada no DOG Núm. 143 do 18 de xullo de 2020 –a día de hoxe en vigor- prohibíase expresamente o consumo de bebidas alcohólicas na vía pública, parques, praias e outros lugares de tránsito público:
Trinta e oito. Engádese un número 3.43 no anexo coa seguinte redacción:
“3.43. Consumo de bebidas alcohólicas na vía pública, parques e prazas públicas e outros lugares de tránsito público.
Sen prexuízo das prohibicións específicas que, de ser o caso, recollan as correspondentes ordenanzas municipais, queda expresamente prohibido o consumo de bebidas alcohólicas na vía pública, parques e prazas públicas e noutros lugares de tránsito público, mediante a actividade coñecida habitualmente como “botellón”, polos riscos que presenta para a saúde pública, relacionados coa aglomeración incontrolada de persoas e coa ausencia ou relaxación de medidas de seguridade e de distanciamento persoal.
Polo ben de toda a cidadanía, sigamos durante estas xornadas, tal e como vimos facendo todos ata agora, as recomendacións sanitarias, respectando o uso obrigatorio das máscaras e a distancia social en todo momento; tanto nas zonas públicas, como nos establecementos comerciais e na hostalería local; tendo en conta que neses espazos hai que cumprir as normativa sanitaria vixente en materia de aforo, distancia e hixiene; facendo especial fincapé nestes dous días a fin de evitar aglomeracións.
Se respectamos as recomendacións das autoridades sanitarias entre todos conseguiremos recuperar a normalidade máis pronto que tarde para poder volver desfrutar da Festa da Maruxaina como ata o de agora, en familia e entre amigos.
O alcalde
Alfonso Villares Bermúdez
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
