Santiago, 24 de Agosto , 2020. A portavoz nacional do BNG, Ana Pontón trasladou ao presidente do Parlamento galego que o BNG non apoiará a investidura de Feixóo porque existen grandes diferencias entre o programa político do Partido popular e o programa do BNG. As políticas do Partido popular durante 11 anos, dixo Pontón, centráronse en “escatimar recursos para o sistema educativo e recortar a sanidade pública” sobre todo, a Atención primaria cun recorte de 2.000 M€.
Ao longo destes anos, engadiu a portavoz do BNG, o programa do Partido popular destruíu grande parte do tecido industrial, miles de persoas víronse obrigadas a emigrar e non se puxeron en marcha medidas para loitar contra o cambio climático. Dentro dos sinais de identidade do PP, afirmou, están os “ataques á nosa lingua e cultura” asfixiando as políticas de normalización lingüística.
O programa do BNG, explicou a nacionalista vai na dirección de “blindar os servizos públicos”, sobre todo a educación e sanidade e rexeitou o modelo do Parido popular que converteu a “saúde nun negocio”. Por outra parte, dixo, o BNG defende as enerxías alternativas, a innovación, reindustrializar Galiza e un modelo económico que permita o desenvolvemento e o benestar.
Máis autogoberno para que Galiza xestione os seus recursos
Ademais, Pontón volveu a reivindicar “máis aoutogoberno” para que Galiza xestione os seus recursos e poder enfrontar o reto de superar a crise provocada pola COVID-19.
Non compartimos o programa do Partido popular e durante estes catro anos traballaremos para que no ano 2024 se produza o cambio político en Galiza liderado polo BNG, “somos á alternativa para construír esa outra Galiza posible”, aseverou.
A líder do BNG anunciou unha oposición “construtiva” e de man tendida para acadar “grandes acordos a favor de Galiza” nun contexto marcado pola Covid-19 e para abordar as grandes preocupacións da cidadanía en materia de emprego, listas de espera, unha sanidade pública reforzada e ofrecer expectativas de futuro á mocidade e políticas de proteccións para o noso medio ambiente.
Esta lexislatura, insistiu Pontón, debe ser a dos grandes acordos porque estamos nun momento non que non serven “os seguidismos partidistas, oposicións inútiles nin maiorías cegas e xordas”. Dende o BNG traballaremos nesa liña e poñendo por diante sempre os intereses de Galiza.
A líder do BNG exise “responsabilidade” á Xunta ante o inicio do curso escolar
A nacionalista criticou a falta de resposta da Xunta ante a repunta do virus e afirmou que o goberno galego non está poñendo en marcha medidas adecuadas para a súa contención. Dende o BNG, “exiximos responsabilidade á Xunta” para velar pola saúde das persoas pero tamén ante un inicio de curso escolar que debe ir acompañado de medidas extraordinarias. A Xunta tivo seis meses para preparar o inicio de curso e a poucos días da volta ao colexio non contamos con medidas claras que garantan a seguridade dos nenos e nenas. Na súa opinión, poñer os medios para unha volta segura responde a “unha decisión política” e pediu á Xunta que “rectifique” porque é posible reducir as ratios e poñer en marcha os medios acuados contra a pandemia.
Este venres, 14 de agosto ás 20.00 horas, terá lugar a presentación do libro "Espiritualidad", unha longa reflexión sobre a dimensión espiritual do ser humano, levada a cabo por 8 autores de diferences orientacións relixiosas, no Local Social do Parque Concepción Arenal (antigo matadoiro) de Ferreira do Valadouro. Estará presente o autor-coordinador da obra Pepe Peinó.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
