Santiago de Compostela, 14 de Agosto 2020. O BNG pide a derrogación da Lei Montoro e critica a partes iguais tanto a actitude “hipócrita e demagóxica” do PP e da Xunta que pon o grito no ceo por unha lei aprobada polo Goberno que presidía Mariano Rajoy, -tras estar mudo todos oito anos-, como a un PSOE que en campaña electoral prometía substituír a que definía como “fatídica Lei Montoro” por unha nova lei de facendas locais, pero que unha vez na Moncloa esquece ese compromiso é pretende apropiarse dos aforros das administracións locais utilizando precisamente esa lei.
Neste sentido, o deputado no Congreso, Nestor Rego, salienta a “coherencia” do BNG que sempre se opuxo a Lei 2/2012 e anuncia que o Bloque vai votar en contra na Cámara baixa da validación do acordo da FEMP que permite ao Estado confiscar o remanente dos concellos galegos. Unha cifra que supera os 1.000 millóns de euros e que deben liberarse para que os gobernos locais podan destinalos a cubrir as urxencias da súa veciñanza neste contexto de pandemia.
“O actual Goberno sabe que conta cos suficientes apoios para poder derrogar esta lei de maneira inmediata e permitir algo tan elemental como que os aforros dos municipios se mobilicen para atender as necesidades máis urxentes da cidadanía e para dinamizar a economía local por parte da administración máis próxima á veciñanza”, explicou, tras destacar que o actual Lei de financiamento local xa “penaliza” aos municipios do país, que reciben 50€ menos por habitante que a media do Estado.
Rego destaca a situación “saneada” dos concellos galegos, -un 0,3% do PIB fronte ao 3% permitido-, e advirte que esta apropiación que pretende Madrid “pode terminar por se unha nova drenaxe de cartos desde Galiza para outras zonas do Estado porque non sabemos a que vai destinar o Goberno central os recursos que obteña por esta incautación e temos antecedentes de como os criterios de distribución prexudican ao noso país”.
O deputado nacionalista citou como exemplo o reparto do fondo COVID19 no que Galiza foi penalizada, pois o 40% do total foi para dous territorios, -Madrid e Catalunya-. “Non se tivo en conta que prestar os servizos en Galiza ten un custe superior debido á dispersión ou o envellecemento da poboación”, explicou, polo que de producirse a confiscación dos fondos das administracións locais, no caso galego podería verse agravada cunha discriminación na distribución deses recursos.
Por iso, “é fundamental parar esta actuación do Goberno do Estado porque a estas alturas non ten unha maioría que lle permita validar o acordo da FEMP e adianto que a posición do Bloque vai ser votar en contra deste decreto, que non sexa aprobado e dea paso a outras opcións que non poden pasar por unha incautación máis branda senón pola derrogación da Lei Montoro e darlle aos concellos a posibilidade de usar os seus aforros para atender a urxencia sanitaria e económica derivada da COVID19. Esa debe ser a vía e iso é o que esperamos que ocorra no Congreso”, subliñou Rego.
Inicio do curso escolar coa curva en ascenso
Preguntado pola evolución dos datos da pandemia, o deputado salientou a preocupación do Bloque en particular de cara o que poda pasar no futuro inmediato a poucas semanas do inicio do curso escolar, tendo en conta “os criterios aprobados pola Xunta que consideramos totalmente irresponsables”, -subliñou-, alegando que hai expertos reclamando que as aulas se impartan coa metade do alumnado que ten previsto polo Goberno galego.
“E ante esta situación o que vemos é a un Feixóo que segue instalado na propaganda, que comparece para chegar a valoracións case apocalípticas do que pasa en Galiza, en particular na área da Coruña, pero que despois non adopta medidas máis aló da prohibición de fumar senón hai unha distancia interpersonal mínima de dous metros”, explica Rego.
Para o deputado do Bloque, o presidente da Xunta “estaba moi cómodo criticando as decisións que tomaban outros pero agora que lle corresponde a el está demostrando unha gran irresponsabilidade, incapacidade e desleixo para afrontar esta situación como demostra a súa actitude ante o inicio de curso. Aínda estamos a tempo de adoptar criterios que primen a seguridade sanitaria nas aulas”, concluíu.
O BNG pide derrogar a Lei Montoro e votará en contra do acordo que permite ao Estado apropiarse dos aforros dos concellos
Relacionado
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
