Viveiro, 10 de agosto de 2020. O mercado quincenal de Viveiro é unha referencia para os comerciantes ambulantes; no seu momento, por causa da pandemia provocada pola covid-19, como os demais, foi suspendido. A día de hoxe, o Concello aínda non considerou oportuno reabrilo, mentres que si o fixeron os das localidades do entorno. O grupo municipal de Viveiro demanda do goberno municipal a inmediata reapertura deste mercado.
O grupo municipal popular indica que a crise sanitaria abriu unha crise económica que todos os sectores produtivos se afanan en superar, con todas as dificultades que implican as medidas sanitarias que é preciso respectar para evitar contaxios. O sector do comercio é especialmente sensible na actual situación, e, dentro del, máis aínda o da venda ambulante. Os numerosos comerciantes que acoden aos mercados quincenais de Viveiro non poden esperar máis, teñen que recuperar a súa actividade, porque é da que viven.
O portavoz popular, Óscar Rodríguez, di que non se entende que, mentres nas localidades dos arredores de Viveiro xa están abertos os mercados de rúa, siga pechado o da cidade do Landro, que é dos máis importantes, senón o máis importante. “Estase prexudicando innecesariamente aos vendedores, que precisan traballar para xerar os ingresos que necesitan para vivir; son moitos os que demandan a reapertura e din que xa non poden esperar máis”.
Os populares instan á alcaldesa, María Loureiro, a tomar as decisións necesarias para reabrir o mercado quincenal e para que reúna as condicións de seguridade que impoñen as actuais circunstancias, que impón a “nova realidade”.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
