Presentación de Formigas nos pés, a primeira novela de Nazaret López

Será este venres 28 na Casa das Letras de Ribadeo ás 20:30. Nazaret López traballou como xornalista en medios escritos (El Progreso, La Voz de Galicia), radio (Cadena SER, COPE, Ondas Galicia, Radio Minuto e Radio Galega) e televisión (TVE e TVG). Directora, redactora, guionista, editora e presentadora de programas como “Galicia Para el Mundo”, “Galeguidade”, “A Noite Encantada”, “Con Música Propia” ou “Demasiado Corazón”. Ten publicado relatos en diversas antoloxías. Na actualidade traballa no departamento de Comunicación do Concello de Ames. “Formigas nos pés” (Xerais, 2019) é a súa primeira novela.