Sarria, a 5 de setembro de 2020. Seguindo a rolda de reunións coas agrupacións locais, a presidenta provincial do PP e deputada autonómica, Elena Candia, mantivo un encontro, na tarde-noite do venres, con interventores, apoderados e colaboradores do partido en Sarria. A popular quixo, deste xeito, agradecer o esforzo, entrega e traballo que estes voluntarios realizaron nas pasadas eleccións autonómicas, e que permitiu que Alberto Núñez Feijóo voltase a ser investido presidente da Xunta de Galicia por cuarta vez consecutiva.
Concretamente, neste municipio o PP acumulou o 55,01% dos votos, case tres puntos porcentuais máis que en 2016. É dicir, máis de 3.600 sarrianos avalaron co seu voto un goberno “que xa demostrou que, fronte ás dificultades, ofrece rigor, seriedade e seguridade aos cidadáns”, remarcou Candia.
“Conquerir a alcaldía”
A máxima responsable do PP na provincia puxo así en valor a importancia do resultado acadado na provincia e en Sarria, en particular. “Os lucenses e os sarrianos dixeron si a Feijóo, conseguindo que o mellor resultado que se acadou en Galicia fose o da nosa provincia”. Por iso, salientou: “temos que seguir na mesma senda, sen desperdiciar nin un só segundo e traballar porque o que toca agora é, dixo, reorganizarnos nesta agrupación para conquerir a recuperación da alcaldía”.
Neste labor, “no que todos sumamos e ninguén sobra”, Candia tamén expresou a súa colaboración para traballar neste obxectivo, “xa non só como presidenta e compañeira, senón tamén como deputada”. “Ábrese un novo escenario e debemos xestionalo ben”, sobre todo, engadiu, “porque non vai ser sinxelo debido ao virus que, lamentablemente, neste municipio tamén está a ter consecuencias sanitarias e económicas”.
A popular volorou así o traballo “de tantas e tantas persoas que nos axudaron e que apostaron por un líder que non só goberna, senón que xestiona; xusto o que España, Galicia, Lugo e Sarria necesitan nestes momentos”.
“Pezas fundamentais”
Pola súa banda, o voceiro do Grupo Municipal e deputado provincial, José Antonio García, indicou que “temos a base para seguir traballando”, e fixo tamén un recoñecemento público aos asistentes que definiu como “pezas fundamentais na estrutura do PP de Sarria”.
García aproveitou tamén a ocasión para porse a disposición da presidenta provincial na nova etapa como deputada autonómica. “Coñezo ben a Elena, xa non só dende o partido, senón que fomos compañeiros na Deputación e sei de como procurou sempre o mellor para os concellos. Estou convencido que os intereses de Sarria estarán presentes na mesa do Parlamento porque ela se encargará de que así sexa”, afirmou.
Semana intensa
Con Sarria, a presidenta provincial remata así o traballo desta semana que incluíu tamén reunións co voceiro do PP en Trabada e co Grupo Municipal de Alfoz.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
