Santiago de Compostela, 21 de setembro de 2020. O vicepresidente económico e conselleiro de Economía, Empresa e Innovación, Francisco Conde, apelou hoxe ao consenso e á unidade para encarar a reactivación económica de Galicia. Fíxoo durante a súa intervención nun xantar-coloquio coa Asociación da Empresa Familiar de Galicia, a quen agradeceu a súa colaboración como parte do Comité de Expertos Económicos que asesorou á Xunta ao inicio da pandemia.
Conde, que estivo acompañado pola conselleira de Emprego e Igualdade, María Jesús Lorenzana, fixo fincapé na importancia do diálogo porque, segundo dixo, a resposta á crise que provocou a covid-19 será máis axeitada co traballo e o esforzo de todos e contando coa visión e a experiencia do tecido produtivo. Nese sentido, avogou por continuar esa senda para enriquecer o Plan de reactivación e dinamización de Galicia con medidas a longo prazo e apostando por un crecemento sólido, inclusivo e sustentable, pola economía verde e do coñecemento e por un proxecto xeracional.
O vicepresidente económico apuntou que os programas de axuda que se puxeron en marcha ata o momento no marco do citado plan levan rexistradas 30.000 solicitudes e que só as iniciativas de apoio á dixitalización de empresas aprobadas suman 26 millóns de euros.
Retos: crecemento sustentable e tecnolóxico
Segundo dixo, nesta nova lexislatura o acordo cos axentes económicos e sociais vai seguir sendo unha prioridade porque hai moitos retos por diante. Entre eles, dar continuidade á Industria 4.0, tanto nas pemes como na industria. Seguir impulsando sectores estratéxicos como a automoción, o naval, o primario e o forestal, e aqueles con potencial de crecemento como o aeroespacial ou o biotecnolóxico. Defender sectores esenciais como o electrointensivo para conseguir que o Goberno estableza un prezo eléctrico competitivo para esta industria da que dependen en Galicia 5.000 empregos. Continuar con iniciativas que relancen a innovación, como os centros de fabricación avanzada ou os Hubs de Innovación Dixital. Seguir acompañando aos emprendedores e, en concreto, aos que comercializan solucións innovadoras fronte á covid. E materializar os tres proxectos tractores que contempla o Plan de reactivación baseados no hidróxeno verde, a economía circular e no aproveitamento de fibras téxtiles, coa previsión de crear 1700 empregos directos e un investimento asociado de 1300 millóns de euros.
O vicepresidente económico apuntou que non haberá crecemento económico se non é sustentable e tecnolóxico. Con esa premisa, a Xunta ten activas tres liñas de axuda que neste momento están abertas para apoiar a empresas de sectores estratéxicos, cun orzamento de 10,3 millóns de euros; para financiar proxectos de innovación e dixitalización no tecido empresarial, con 10 millóns de euros; e para apoiar o desenvolvemento de novas solucións fronte á covid, para o que se destinan 10 millóns de euros.
Conde reiterou ao Goberno que tome Galicia como modelo de xestión de fondos europeos e estableza cales van ser os criterios de reparto porque estes fondos van ser o gran apoio das comunidades autónomas para reactivar os sectores produtivos e o tecido empresarial.
Para concluír, apuntou que a empresa familiar en Galicia supón 55.000 empregos e 44 millóns de euros de investimento social. E destacou que a aposta a longo prazo que fan estas empresas convérteas en innovadoras por definición e en grandes coñecedoras da cultura do reto permanente, uns valores indispensables actualmente no tecido empresarial.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
