A liga de Primeira Feminina 2020-21 arrincará o 17 de outubro con aroma irmandiño para as Guerreiras Laranxas; así o deu a coñecer esta tarde a RFEF coa publicación do calendario definitivo da competición. O Pescados Rubén Burela FS iniciará un novo periplo a domicilio, na pista do Ourense Envialia, que se prolongará ata o 19 de xuño, tamén lonxe da casa, en Alcorcón.
“É un calendario moi apertado; obríganos a estar preparadas desde o principio. Temos que ir aos poucos, a situación que estamos a vivir obríganos a ir día a día” reflexionaba o técnico, Julio Delgado.
Vista Alegre estreará a tempada encadeando as xornadas 2 e 3, ante Leganés, o 24 de outubro e outro derbi, ante Viaxes Amarelle, o 31. Este será o único duelo galego da primeira volta en casa; con Poio Pescamar serán na xornada 23, o 3 de abril, e con Cidade das Burgas o 8 de maio, na 27.
A primeira loita de titáns, con Futsi, tocará lonxe da Bomboneira; será o 5 de decembro, na xornada 8, nunha semana intensa de citas que recibirá con adianto o Nadal para regresar coa xornada 11 estreando 2021 o 16 de xaneiro en Vista Alegre, con Intersala Promesas. Para gozar do espectáculo por excelencia na Mariña haberá que esperar ata o 17 de abril.
O acto terá lugar o vindeiro luns 18 de maio, coincidindo coa celebración do Día Internacional dos Museos, unha data sinalada para poñer en valor o patrimonio cultural e mariñeiro do concello. Tras un período de traballos de mellora e adecuación, o museo —un referente na comarca— reabre para ofrecer ás persoas visitantes unha viaxe inmersiva a través da herdanza mariñeira, da industria conserveira e da estreita relación das súas xentes co Cantábrico.
Unha obra para todos os públicos. Hora: 20.00. Entrada libre ata completar aforo, non é necesario facer reserva de entradas.
O encontro, aberto ao público, terá lugar na Casa Museo Álvaro Cunqueiro e será moderado por membros da propia asociación. A sesión busca reflexionar colectivamente sobre a posibilidade de que Mondoñedo aspire a ser recoñecida como Patrimonio da Humanidade, abordando a cuestión desde perspectivas históricas, patrimoniais, artísticas, naturais e humanísticas. A actividade comezará ás 11:00 h e a organización anima a toda a veciñanza a participar e compartir opinións.
O Comité de Empresa de Alúmina‑Aluminio San Cibrao informa de que a Secretaría de Industria convocou ao comité á 19ª reunión de seguimento do acordo de viabilidade, que se celebrará o venres 15 de maio ás 12:30 horas na Delegación do Goberno en A Coruña. Unha vez rematada a reunión, o comité procederá a informar aos traballadores sobre os resultados e avances do encontro.
A participación estará aberta do 14 ao 18 de maio, e a persoa gañadora poderá escoller entre cinco modelos diferentes. A propietaria, Susana Moreira, fai un balance moi positivo desta década, na que o negocio evolucionou ata centrarse en mercería, venda de la e artigos artesanais elaborados por ela mesma. Ademais, ofrece arranxos de roupa e organiza cursos e talleres de ganchillo, calceta e bordado, como o previsto para o 23 de maio. A maior parte da clientela e das persoas que participan nas actividades son mulleres, aínda que tamén acoden nenos e mozos interesados en técnicas como os amigurumis.
Será este xoves, día 14 de maio, ás 19:00 horas no salón de actos do Concello. O mago Pedro Bugarín presentará o seu espectáculo titulado Galicia con maxia. Para esta actividade o Concello de Lourenzá conta coa colaboración da Deputación de Lugo.
Nesta ocasión participará Susana Vázquez Fernández, coach de saúde emocional e facilitadora en procesos de duelo e perda, que impartirá o faladoiro “Xestión do ánimo”, centrado en técnicas de relaxación, pensamento positivo e coidado da saúde mental para mellorar o benestar emocional. A actividade está aberta á veciñanza e busca crear un espazo para compartir, aprender e coidarse en comunidade. Conta co apoio e colaboración da Asociación de Xubilados Terramar.
