Santiago, 28 de setembro de 2020. O secretario xeral do PSdeG, Gonzalo Caballero, instou este luns a Feijóo a convocar a todos os partidos nunha mesa de traballo para conformar “unha fronte común en clave galega” que permita “truncar o intento de fuxida do país” protagonizada por Alcoa e acadar a venda da planta de San Cibrao ao inversor atopado polo goberno de España.
Nun momento no que hai evidencias de “mala fe” e indicios de “fraude” por parte de Alcoa nas negociacións con Liberty House para a venda da factoría mariñá, como constataron a Xunta e o Goberno de España, o líder socialista fixo fincapé na necesidade de pechar “unha folla de ruta conxunta”. “Tendemos a man a Feijóo para traballar polo futuro do emprego da planta de San Cibrao”, remarcou.
No mesmo senso, Gonzalo Caballero incidiu na necesidade de que a Xunta e o Goberno sigan traballando conxuntamente para poñer “contra as cordas” á multinacional americana, que recibiu “centos de millóns de fondos públicos”, ata que asuma a venda. Ao fío disto, Gonzalo Caballero explicou que as administracións poden actuar pola vía laboral, a medioambiental e no que atinxe á obriga da empresa de devolver as axudas públicas que recibiu, polo que reclamou que o Estado contemple todas as vías legais de presión e intervención para levar a cabo a venda a Liberty.
Na primeira destas vías de acción, o líder do PSdeG advertiu de que, na tramitación do expediente de regulación de emprego, o goberno galego ten que aplicar “todas as esixencias normativas”, porque “a mala fe” de Alcoa nas negociacións é un aspecto que “ten consecuencias xurídicas” no marco legal mercantil, toda vez que pode supoñer un intento de impedir a competencia nos mercados.
No que atinxe á cuestión medioambiental, o voceiro socialista evidenciou o “custe millonario” relacionado con “facer cumprir escrupulosamente” a Alcoa as obrigas relativas ao tratamento da balsa de lodo se decide pechar a factoría. Así mesmo, engadiu, o goberno ten que “poñer o foco en todos os incumprimentos e malas prácticas da empresa” e reclamar a devolución de millóns de euros de fondos públicos entregados como axudas nos últimos anos.
FUTURO DA PLANTA
Así pois, tras censurar a decisión de Alcoa de “romper ás negociacións e evitar a entrada dun inversor cun proxecto viable” como é Liberty House, Gonzalo Caballero recalcou que as administracións deben seguir traballando para atopar unha solución para unha factoría que é estratéxica para España por ser “a única de producción de aluminio primario do país”.
De aí, dixo, o elevado grao de “involucración” amosado polo goberno ao tentar comprar a planta da Mariña a través da SEPI para logo vendela a Liberty House, a fin de manter a actividade industrial e o emprego na bisbarra. Nese senso, destacou que o goberno “está traballando coa máxima implicación e en todos os escenarios legalmente posibles”.
“A disposición da SEPI a mercar a planta de Alcoa para posibilitar a inversión amosa o compromiso do goberno, e hai que seguir explorando todas as vías legais de intervención”, defende
O dirixente socialista considerou que toca agora que Xunta e Estado “exploren todas as vías de intervención legalmente posibles”, e insitiu na necesidade de que Feijóo “convoque aos líderes da oposición no parlamento galego para traballar nunha folla de ruta conxunta”. “O PSdeG ofrece man tendida ao presidente da Xunta para posibilitar que o inversor que ten proxecto poida facerse coa factoría de San Cibrao”, concluíu o líder socialista.
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
