Lugo, a 1 de setembro de 2020. Os socialistas lucenses seguen instalados na súa política de xerar confusión en todo o que ten que ver con Alcoa, unha empresa indispensable para a Mariña e para Lugo, e, en xeral, coa industria da provincia. A presidenta provincial do PP, Elena Candia, deputada autonómica, recoñece que a secretaria provincial do PSdeG, Patricia Otero, consigue rizar o rizo coa súa demanda á Xunta dun plan de industrialización para a comarca da Mariña. Como é posible, se pregunta Candia, que os socialistas lucenses teñan a desvergonza política de reclamar planes industriais para A Mariña despois do seu probado desinterese e falta de capacidade para manter e impulsar aos motores industriais de Lugo. Neste sentido recorda o peche de Endesa-As Pontes. Os populares aseguran que a verdadeira reconstrución da Mariña é que o PSOE non peche Alcoa. Recordou o afirmado polo presidente Feijóo, en canto a que é incompatible falar de reconstrución e a vez deixar caer empresas que supoñen miles de postos de traballo.
A Xunta, resalta a presidenta provincial do PP, ten sobradamente reiterando o seu compromiso de formar parte da solución. Como xa ten dito o goberno galego, é necesario traballar todos xuntos ante un obxectivo común: manter a actividade industrial na Mariña e salvar os mil empregos que están en xogo só en relación con Alcoa.
Nesa liña, Elena Candia recorda que a Xunta, no caso de Alcoa, ofrece a súa máxima colaboración na tramitación administrativa e o asesoramento técnico para facer realidade o novo proxecto, ademais de poñer sobre a mesa mecanismos de financiación, como os préstamos participativos. Defende que Alcoa e Liberty House deben seguir dialogando para axilizar a negociación e alcanzar un acordo de compra-venda; Liberty House debe fixar un plan industrial e financeiro, cun cronograma detallado da súa proposta.
E ao Goberno de Pedro Sánchez lle toca concretar un prezo eléctrico competitivo, un marco enerxético que achegue estabilidade á planta de San Cibrao, pero tamén a toda a industria electrointensiva galega. Para iso é preciso que aprobe o Estatuto para consumidores electrointensivos, destine o máximo orzamento que permita a UE ás compensacións por custos indirectos de CO2 e que defina
o novo sistema de xestión da demanda que substitúa á poxa por interrompebilidade. O Goberno ten que comprometerse a avaliar que proxectos do plan industrial de Liberty poden optar ao Fondo Europeo de Recuperación.
Os populares destacan unha vez máis que o problema de Alcoa, e polo tanto, da Mariña, non é de índole industrial, senón enerxética, e a enerxía é competencia do Goberno central, é dicir, dos socialistas. A presidenta provincial do PP recorda á secretaria do PSdeG de Lugo que a disparatada política de transición enerxética do Goberno provoca en Lugo problemas tan graves como o peche de Endesa-As Pontes. O radicalismo medioambiental dos socialistas constitúe un grave problema para Lugo.
O PP lucense, sinala Elena Candia, mantén o seu firme compromiso de apoio e defensa de Alcoa-San Cibrao, de respaldo aos seu traballadores e a toda a comarca de a Mariña. Como parte de ese compromiso reitera que os populares queren ser parte da solución. E iso mesmo piden ao PSdeG: que colabore e deixe de enredar co futuro industrial e económico de A Mariña e de Lugo. Os socialistas teñen outra oportunidade para deixar de seguir na mentira en todo o que ten que ver coa industrialización da Mariña.
No PP indican que o Plan Estratéxico de Turismo permitirá duplicar a inversión en promoción turística da comarca a través do xeodestino, e que A Mariña recibirá aproximadamente o 20% das aportacións da PAC, que para a provincia totalizan 30 millóns.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
