A Pontenova, 23 de setembro de 2020. Os socialistas reclaman no Parlamento arranxar de forma urxente os 5 Km da LU-741, no concello da Pontenova, (un vial que une este concello coa Fonsagrada, e que enlaza coa LU-P-1904), de xeito que sexa segura para tódolos usuarios e usuarias que utilizan esta vía de comunicación.
Así o avanzou a Secretaria Provincial do PSdeG-PSOE e Deputada Autonómica, Patricia Otero, tras visitar co Alcalde da Pontenova, Darío Campos este trazado, e no que tamén participaron os concelleiros Francisco Martínez e Isabel Couto. “É urxente que se arranxen eses 5 Km da estrada autonómica LU-741 no termo municipal da Pontenova, porque ademais de ser perigoso para os usuarios prexudica a actividade diaria das empresas asentadas nesta zona”, remarcou.
A Deputada Autonómica sinala na proposta “que apoiar ao rural precisa de investimentos que permitan desenvolver a súa economía e que permitan tamén fixar poboación”. Por iso explica na moción que “é fundamental o arranxo dos 5 Km da LU-741, de competencia autonómica, na Pontenova e que une co concello da Fonsagrada, xa que sería un impulso importante para as empresas que radican na zona, máis necesario agora se cabe pola crise producida pola covid-19, e ademais melloraría a seguridade da estrada”.
Así as cousas advirte que “este treito presenta unha grave deterioración no firme, unha situación que empeorou nos últimos anos. Na zona hai varias empresas con moita actividade diaria, e a mala situación desta estrada, prexudica, polo tanto, a economía do concello da Pontenova”.
A Voceira de Infraestruturas do PSdeG explica que realizar os arranxos nesta estrada amosaría un compromiso real cos veciños e veciñas da Pontenova por parte do goberno de Feijóo. Nesa liña puxo en valor o “compromiso da Deputación de Lugo, que no ano 2018, fixo os arranxos necesarios na estrada LU-P-1904 que une A Pontenova coa Fonsagrada, que melloraron considerablemente as condición de seguridade nesta estrada”, resumiu.
Este venres, 14 de agosto ás 20.00 horas, terá lugar a presentación do libro "Espiritualidad", unha longa reflexión sobre a dimensión espiritual do ser humano, levada a cabo por 8 autores de diferences orientacións relixiosas, no Local Social do Parque Concepción Arenal (antigo matadoiro) de Ferreira do Valadouro. Estará presente o autor-coordinador da obra Pepe Peinó.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
