Lugo, 4 de setembro de 2020. O Presidente da Deputación de Lugo, José Tomé Roca, participou na tarde deste venres no encontro telemático organizado pola Federación Galega de Municipios e Provincias (FEGAMP) cos presidentes das catro deputacións e cos alcaldes e alcaldesas das sete grandes cidades de Galicia para abordar as medidas adoptadas pola Xunta de Galicia fronte á pandemia.
Na xuntanza, a gran maioría dos participantes, todos excepto o representante da institución provincial de Ourense, coincidiron en reivindicar unha maior comunicación e información á Xunta, cogobernanza do Goberno galego cos concellos na xestión da crise sanitaria, ao igual que está a facer o Goberno central coas comunidades autónomas, e a achega de fondos autonómicos extraordinarios ás entidades locais para axudarlles a afrontar as medidas necesarias de cara á prevención e contención da Covid-19, tendo en conta que as competencias exclusivas en sanidade son da comunidade autónoma, segundo establece o Estatuto de Autonomía.
Neste senso, un dos asuntos centrais foi o rexeitamento das administracións presentes no encontro e da propia FEGAMP a que os concellos deban asumir a limpeza e desinfección dos centros educativos pola Covid antes e durante o curso escolar, o que supón un importante desembolso económico, sen recibir o financiamento axeitado por parte da Xunta de Galicia. “A resolución da Xunta é claramente inxusta. É inaceptable que se nos impoña aos concellos unha competencia impropia. Non se diferencia a responsabilidade de limpeza e mantemento dos colexios, que por lei si é competencia das entidades locais, das tarefas de desinfección, que non son competencia dos concellos, e facelo ademais sen ningún tipo de achega económica, nin a través das deputacións nin directamente aos concellos. A Xunta de Galicia non habilitou ningún recurso, polo que os concellos son os que teñen que afrontar todo ese custe e a organización do traballo”, subliñou o Presidente.
José Tomé explicou que informes xurídicos das deputacións de Granada e de Cádiz, cos que están de acordo os servizos xurídicos da propia institución provincial lucense, determinan que a desinfección dos colexios non é competencia dos concellos.
Así mesmo, o Presidente pediu durante o encontro que a Xunta distribúa os 93M€ que recibirá do fondo estatal habilitado polo Executivo central para educación dunha maneira proporcional entre as administracións que asumen gastos extraordinarios nos centros escolares pola Covid. De feito, a comunidade balear xa anunciou que transferirá parte dos recursos ós municipios.
Ademais, José Tomé expuxo a necesidade de que o Presidente da Xunta estableza unha comunicación cos representantes da FEGAMP, dos concellos e das deputacións “para intercambiar opinións e saír da crise sanitaria da mellor maneira posible”.
O mandatario provincial destacou que, malia a falta de comunicación e colaboración da Xunta, a Deputación afrontou e afronta a crise da Covid-19 dunha maneira áxil e eficaz, dando resposta ás demandas dos concellos e da veciñanza. O Presidente lembrou as principais medidas que adoptou a institución, dende os protocolos de seguridade nas dependencias provinciais e nos centros de atención a maiores ou a campaña EN LUGO,SI para a reactivación dos sectores produtivos da provincia ata a adaptación do Plan Único para que os concellos poidan destinar a metade dos recursos a afrontar a crise e a mobilización de preto de 70 millóns de euros dende o inicio da pandemia para poñelos a disposición dos municipios e do tecido social e produtivo.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
