Lugo/Outeiro de Rei, 31 de outubro de 2020. A presidenta provincial, Elena Candia, e o vicesecretario de Participación do PP, Jaime De Olano, expresaron este sábado o malestar da formación popular polos Orzamentos do Goberno para a provincia, engadindo que “estamos pagando os pactos do Partido Socialista”. Neste senso, sinalou que “os ingresos son a costa de subir os impostos” e súmase ás protestas dos autónomos a este respecto.
“Os lucenses son os prexudicados destes pactos, que se ven cun Executivo que custa o dobre e lles recortan inversións necesarias e estratéxicas. Son un exemplo de que o PSOE secuestra as institucións ao seu servizo”, remarcaç
A dirixente dos populares expresaba así o seu descontento coas contas presentadas polo Executivo de Sánchez, explicando que “sacrifica os proxectos que tiña proxectados”. E é que o só contemplan o remate da A-54. Polo que respecta, á da Mariña (A-74), fronte aos 3,6 millóns consignados en 2018 polo Partido Popular, o Goberno actual aplica unha redución do 87 %, ao incluír só 400.000 euros. “Está comprometida dende hai 20 anos. No Goberno do Partido Popular deixouse todo encamiñado para rematala no menor tempo posible. Con semellante recorte, nin en 2021 nin nos anos vindeiros”, lamentou a popular.
Elena Candia fixo especial fincapé nesta infraestrutura, pois a súa parálise contribuirá a que a comarca continúe “esmorecendo”. Concretamente, A Mariña non chega ao millón de euros e o ministerio de Transición Ecolóxica tan só destina 430.000 euros para actuación nesta zona que xa acusa unha gran incerteza debido á situación de Alcoa. Ademais, tampouco se contempla ningunha partida para solucionar os problemas da A-8. En 2018, o Estado destinaba 5,4 millóns a esta actuación.
O mesmo acontece coa a A-56, fronte aos 10,8 millóns de 2018, en 2021 só figura unha partida de 450.000 euros; o que supón unha redución do 96%. No caso da A-76, o investimento é dúas veces menor: 100.000 euros en 2021, fronte aos 336.000 de 2018.
Ferrocarril
Logo do anuncio dos 99 millóns, dende o PP agardan que sirva para que se cumpran os prazos da chegada da Alta Velocidade á provincia e que non se sigan recortando servizos nesta prestación, como se fixo dende que se decretou o estado de alarma; tema que os senadores levaron á Cámara Alta en diversas ocasións, xa que a estación de Monforte de Lemos é a grande prexudicada por este “tixeiretazo”.
“Nada lle debemos ao PSOE”
Para a popular queda claro que os Orzamentos do vindeiro exercicio “respostan a un pago de favores a outras comunidades que lle deron o apoio a Sánchez para poder gobernar” e que “o papel dos representantes socialistas da provincia en Madrid queda moi limitado”. “Non souberon estar á altura, xa que non foron quen de defender as necesidades de Lugo. Dende logo, os lucenses e a provincia nada lle debemos ao PSOE de Madrid, de Galicia e de Lugo, xa que non só nos quitan, senón que nos suben os impostos”, sentenciou.
Por este motivo, pide “aos alcaldes socialistas e o BNG -que son os grandes colaboradores de Sánchez-, que se sumen con nós para corrixir estas contas, xa que son manifestamente peores que as de 2018”. A popular adiantou así que presentarán mocións nas respectivas entidades locais co mesmo fin.
Cumprimento das restricións
Elena Candia e Jaime De Olano fixeron estas valoracións no marco dunha reunión atípica, debido ás restricións aplicadas á cidade de Lugo por mor da evolución da covid-19. A presidenta e o vicesecretario de Participación elixiron o municipio de Outeiro de Rei por ser un dos grandes prexudicados, ao non incluír ningún fondo para a execución da rotonda sobre a N-VI que, pola contra, si que estaba contemplada nas últimas contas do goberno de Mariano Rajoy, e que corresponden ao ano 2018. Candia e Olano estiveron acompañados dos senadores Rosa Arza e Manuel Varela, así como do líder dos populares neste concello, José Pardo Lombao.
Dende Lugo, seguiron a xuntanza de forma telemática Ramón Carballo, José Manuel Barreiro e Joaquín García Díez. Os tres subscribiron as palabras dos dous mariñáns.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
