Foz, 31 de outubro de 2020. O alcalde de Foz valora a liña positiva de respecto que se está a seguir nos últimos plenos municipais, pero afea a falta de compromiso do Partido Popular coa atención médica presencial ás veciñas e ós veciños do concello.
“Estou satisfeito co acatamento ás normas que se acadou, parece que ultimamente se están a limitar as interrupcións e a quenda de palabra está a ser respectada. Creo que os concelleiros, elixidos democraticamente como representantes públicos da cidadanía, debemos ser exemplares e o pleno, como órgano máximo de representación municipal, non pode ser unha excepción”, manifesta Fran Cajoto. Sen embargo afea a actitude do Partido Popular respecto ás mocións de sanidade presentadas: “tanto o PSOE como o BNG trouxemos a debate dúas mocións de urxencia polo deterioro na atención da sanidade pública e, máis en concreto, na atención primaria. Calquera veciña ou veciño de Foz enfermo sabe da problemática para contactar co centro de saúde e de recibir unha diagnose correcta simplemente a través dun teléfono. Non é de recibo que se receite simplemente a partir do que un paciente manifesta nunha conversa telefónica, a saúde é algo moi delicado. Este tipo de atención podería desembocar nun aumento de falecidos por enfermidades comúns ou problemas de saúde tamén a medio e longo prazo nos pacientes, non ten nada que ver coa actitude e o compromiso dos profesionais sanitarios”.
Cajoto engade que “esta moción, que o PSOE de Foz fixo súa, parte da Plataforma en Defensa da Sanidade Pública Galega. Os profesionais demandan medios, máis persoal e protocolos correctos e a Xunta está obrigada a responder. Creo sinceramente que o Partido Popular de Foz debería recapacitar e non aliñarse sempre coas súas propias siglas: está en xogo o benestar e a saúde das veciñas e veciños. As ampliacións de infraestruturas están moi ben pero hai que dotalas de persoal e de medios; e niso deberiamos estar todos de acordo, non entendo votar en contra de dúas mocións que nos benefician a todos”.
O Alcalde de Foz afea a falta de compromiso do PP coa atención médica presencial a veciñas e veciños do Concello
Relacionado
-
O San Xoán das Corporacións, en Foz, celebrarase o 23 de xuño con pregón, música e fogueira tradicional
-
A Feira da Ciencia de Ribadeo enche o Paraninfo para escoitar a neurocientífica Sonia Villapol
-
O BNG analiza en San Cibrao a necesidade de reforzar os servizos públicos para garantir unha vellez digna
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
