Lugo, 15 de outubro de 2020. Este xoves presentouse na Praza de San Marcos a 42 edición do Rally San Froilán, que se disputará o sábado nos concellos de Outeiro de Rei, O Corgo e Friol e que conta cunha achega de 30.000 euros da área de Deportes.
127 pilotos participan na proba, coa que se retoma o calendario do Campionato Galego de Rally, parado tras a disputa da primeira carreira pola crise sanitaria da Covid 19. Víctor Senra,Iago Caamaño, Alberto Meira -gañador da última edición – e os lucenses Adrián Díaz, Francisco Dorado e Antonio Fernández son algúns dos candidatos a ocupar os postos do podio ao remate do rally, que se desenvolverá seguindo o protocolo elaborado pola Federación Galega de Automobilismo.
No acto de presentación, coa presenza en San Marcos dalgúns dos coches que competirán no rally, o deputado Efrén Castro explicou que “desde a área de Deportes optamos por manter o apoio aos eventos deportivos que se adapten á normativa vixente e aos protocolos elaborados polas autoridades sanitarias e subliñou o esforzo levado a cabo pola Escudería Miño Lucense para adaptarse ás novas circunstancias”.
Ademais, pediu a colaboración de todas as persoas “participantes e afeccionados para que o Rally San Froilán, que xa é emblemático, aumente a súa lenda saíndo adiante tamén nun ano tan complicado coma este”. Efrén Castro referiuse tamén á participación na proba de Carlos Rodríguez Casanova, gañador do premio Volante Deputación promovido pola área de Deportes para que pilotos noveis teñan a oportunidade de acceder á competición automobilística sen custe.
Pola súa banda, a presidenta da Escudería Miño Lucense, Maite Vilanova, remarcou o alto nivel dos participantes, “temos un rally incrible, quizais a mellor lista de inscritos que se podería ter neste momento”, e sinalou que “a carreira será retransmitida por streaming a través da web e do facebook da Escudería Miño Lucense”.
No acto de presentación, tamén interviron o xefe provincial de Deportes Manuel Otero, a subdelegada do goberno Isabel Rodríguez, o concelleiro de Deportes de Lugo, Miguel Fernández e presidente da Federación Galega de Automobilismo Iván Corral. Tamén estiveron presentes alcaldes e edís dos concellos de Outeiro de Rei, Friol e O Corgo.
Programa
Os vehículos realizarán as verificacións técnicas e administrativas precisas para participar na competición mañá venres, ao longo da tarde, no aparcadoiro do Auditorio Municipal Gustavo Freire.
O sábado disputarase a carreira, en tres tramos a tres pasadas, nos itinerarios marcados nos concellos de Outeiro de Rei, O Corgo e Friol (xúntase horario dos tramos)
Os reagrumentos e o parque cerrado final realizaranse tamén no aparcadoiro do Gustavo Freire onde o domingo se celebrará a entrega de premios.
Protocolo da Federación Galega de Automobilismo
No desenvolvemento do rally seguirase o protocolo elaborado pola Federación Galega de Automobilismo, seguindo as indicacións da Secretaría Xeral para o Deporte da Xunta de Galicia.
O uso de máscara será obrigatorio para todos os participantes, excepto cando
estean no coche competindo ou preparados para competir nos treitos cronometrados. Os equipos pasarán varios controis de temperatura ao longo da xornada.
O uso de máscara e o control de temperatura tamén será obrigado para calquera persoa que acceda as zonas de asistencia e recintos de traballo e reagrupamento. O acceso estará limitado en función do espazo dispoñible para manter a distancia interpersoal mínima de 1,5 metros.
Aberto o prazo de solicitude das axudas a pilotos
Este xoves abriu o prazo para solicitar as bolsas para pilotos de rally, dirixidas a deportistas de rally de asfalto, terra e montaña. A presentación das solicitudes realizarase obrigatoriamente por medios telemáticos na sede electrónica da Deputación de Lugo. O prazo manterase aberto ata o 28 de outubro, incluído.
Para optar ás bolsas, as persoas solicitantes deberán acreditar a participación nunha das catro probas oficiais federadas que se disputaron na provincia en 2019 (Rally San Froilán, Rally da Ulloa, Subida a Chantada e Subida á Pontenova) ou, no seu defecto, noutras dúas probas de carácter oficial e federado.
Outorgaranse un máximo de 25 bolsas, cun importe que oscilará entre os 300 e os 5.000 euros, en función dos méritos acreditados por cada solicitante. O importe destinado a esta liña de axudas é de 45.000 euros.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.