Burela, 31 de outubro, 2020. O Orgullo Laranxa brillou na xornada 3 por profesionalidade, seguridade e responsabilidade social na pista do FSF Móstoles, nunha cita que finalizou en táboas 3-3, aínda que o resultado foi o de menos. As xogadoras do Pescados Rubén Burela, que non puxeron o balón a rodar no primeiro minuto en protesta pola decisión do equipo local de non realizar os test Covid-19 previos á cita, xogaron todo o encontro con máscaras.
A escuadra de Julio Delgado saltou a Villafontana para vivir un enfrontamento brusco e igualado, con continuas rotacións nas filas mariñás, e un Móstoles certamente agresivo. Cilene, de penalti, deu a vantaxe á escuadra visitante no minuto 7, con táboas de Andreza para as madrileñas na medianía do primeiro acto e iniacitiva de Inma para recibir o descanso.
Tiveron que armarse de paciencia as Guerreiras para recuperar o empate, con Ale de Paz no minuto 30. Na recta final, Móstoles tomou de novo vantaxe nunha situación dun contra un de Benete. Con menos de dous minutos por diante, Burela apostou con xogo de cinco para sentenciar o definitivo 3-3 nas zapatillas de Bea Mateos.
Ficha técnica
FSF Móstoles: Miri, Inma, Patri Chamorro, Celia, Sara Santos, cinco inicial; tamén xogaron Andreza, Shiori, Desi Godoy, Benete
Pescados Rubén Burela FS: Jozi, Peque, Cami, M. Cortés, Elena Aragón, cinco incial; tamén xogaron Cilene, Ale de Paz, Dany, Bea Mateos, Lara Balseiro
Goles: 0-1, minuto 7, Cilene (penalti); 1-1, minuto 9, Andreza; 2-1, minuto 19, Inma; 2-2, minuto 30, Ale de Paz; 3-2, minuto 38, Benete; 3-3, minuto 38, Bea Mateos
Árbitros: Jarque Ruiz // Manso Martín. Por Móstoles vermella a Desi Godoy (minuto 7) e amarela a Andreza (minuto 10). Por Burela amarela a Jozi (minuto 5), Ale de Paz (minuto 28), Peque (minuto 35), Bea Mateos (minuto 39), Julio Delgado (minuto 39)
Incidencias: Partido correspondente á xornada 3 de Primeira División disputado en Villafontana.
A convocatoria está fixada para as 19.30 horas no salón de sesións da Casa Consistorial. Un dos puntos da orde do día inclúe a proposta para designar as festividades locais de 2027. Tamén se presentarán dous expedientes de recoñecemento extraxudicial de crédito. Ademais, a corporación someterá a aprobación as actas das sesións celebradas os días 8 e 15 de xullo. A orde do día completarase coa parte de control, na que se dará conta das resolucións da Alcaldía e se abrirá a quenda de rogos e preguntas.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
Villares destacou que a Administración autonómica reafirma o seu compromiso con esta cita, adicada a enxalzar a calidade deste produto do mar e a poñer en valor o esforzo dos profesionais do sector. Así mesmo, subliñou a importancia das festas gastronómicas na promoción turística e na dinamización económica da zona.
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
