Burela, 31 de outubro, 2020. O Pescados Rubén Burela encadea a súa terceira xornada consecutiva sen coñecer a derrota. Vista Alegre e o xogo de cinco laranxa arrincaron 1 punto esta tarde a Industrias Santa Coloma (3-3) cunha recta final de infarto. Os galegos tiveron que remar contra un 0-2 ao descanso; cando parecía que se volvían meter no partido con Matamoros, roldando o ecuador do segundo acto, os visitantes volveron poñer terra por medio. O porteiro-xogador deulles o empate no último minuto e medio con Álex Diz e Quintela.
Arrincaron os do Mariskal con presión alta pero hoxe atoparon máis problemas nas súas incursións; quizais lles faltou algo de frescura ante un rival máis vivo. Edu freou coa cara a chegada de Uri Santos xa aos 45 segundos. Os de Santa Coloma conseguiron adiantarse, fugaces, co ex dos laranxas Bruno Petry, asistido por Sepe, cun lixeiro toque ante a saída de Edu. O remate de Matamoros nun saque rápido de Pazos, no 6, puido ser a inauguración burelista, pero tocou o xusto Borja para evitalo. Con máis perigo para os visitantes, David Álvarez ampliou a vantaxe no minuto 7, gañando a partida ante a defensa laranxa e cunha traxectoria que non esperaba o de Narón. Edu, con apoio de Renato, mantivo o marcador sen alterarse fronte a Petry e Corso. Co paso dos minutos, os de Juanma Marrube gañaron nos metros finais. A estrea mariñá puido chegar no 18 cun pase de Iago Míguez ao que non chegou por moi pouco Pitero fronte á rede colomense. Nunha boa transición Matamoros tentouno por partida dobre, con 52 para a bucina do descanso, fronte a un Borja Porta ben plantado.
Saíron a por todas os galegos, con máis autodeterminación. Lucho e Quintela protagonizaron o perigo nos primeiros compases tras o regreso de vestiarios. Corso, no 23, non puido fronte a Edu. Tras a retirada de David Pazos da pista, cunha dor fortísimo no nocello dereito, tentouno Renato cun mísil de estratexia iniciada por Matamoros, pero non puido sentenciala Javi Rodríguez, pegado ao pau. Borja sacou un pé moi oportuno nun gran xiro de Matamoros antes do ecuador, pero nada puido facer segundos despois ante a maxia do 10 ‘ laranxa’ en estratexia, desde saque de esquina de Álex Diz. Estaba ben o Pescados Rubén, pero nun minuto escaso, Industrias Santa Coloma anotou o 1-3, con Uri Santos na caza do rexeite ante a man prodixiosa de Edu fronte a Corso. Con catro e medio para o final, Matamoros saltou con xogo de cinco. Reduciron os do Mariskal #ante a férrea defensa visitante cun disparo baixo de Álex Diz a falta de 1’26” e Quintela selou a igualada a falta de 47 segundos.
Ficha técnica
Pescados Rubén Burela FS: Edu, Iago Míguez, Pitero,Javi Rodríguez, Renato, cinco inicial; tamén xogaron Matamoros, Álex Diz, Lucho, David Pazos, Quintela, Giasson, Eto’o
Industrias Santa Coloma FS: Borja Porta, Sepe, Llamas, Corso, Bruno Petry, cinco inicial; tamén xogaron Uri Santos, David Álvarez, A. Cardona, Khalid
Goles: 0-1, minuto 3, Petry; 0-2, minuto 7, David Álvarez; 1-2, minuto 30, Matamoros; 1-3, minuto 31, Uri Santos; 2-3, minuto 39, Álex Diz; 3-3, minuto 40, Quintela
Árbitros: Felipe Madorrán // Urdánoz Apezteguía. Por Burela amarela a Matamoros (minuto 26). Por Santa Coloma amarela a Uri Santos (minuto 24)
Incidencias: Partido correspondente á xornada 7 de Primeira División Masculina disputado en Vista Alegre, a porta pechada.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
