Viveiro, 16 de outubro de 2020. O Concello de Viveiro debatirá no próximo pleno unha moción da alcaldía para instar á Xunta de Galicia e ao Tribunal Superior de Xustiza de Galicia a realizar cantas accións sexan necesarias en aras a lograr a creación dun terceiro Xulgado de 1ª Instancia e Instrución no Partido Xudicial de Viveiro.
“Os Xulgados de Viveiro veñen sufrindo unha elevadísima carga de traballo, constatada polas inspeccións realizadas nos últimos anos, que está a afectar aos máis de 45.000 mariñáns que dependen do mesmo. Trátase dunha situación que se vén prolongando no tempo e que trae graves consecuencias para os veciños e veciñas que sofren a demora na tramitación dos distintos expedientes xudiciais”, recolle o texto da moción.
O Concello de Viveiro, así como os traballadores e traballadoras do xulgado, levan anos demandando a creación dun terceiro xulgado neste partido xudicial, que debe considerarse como unha necesidade urxente ante este exceso de traballo acreditado polo Consello Xeral do Poder Xudicial. Precisamente, tendo en conta que o problema de espazo era un dos problemas para a creación deste terceiro xulgado, o concello xa cedeu o edificio contiguo para este fin.
Na xurisdición civil, os Xulgados de Viveiro superan nun 61% os módulos aprobados polo Ministerio de Xustiza e do Consello Xeral do Poder Xudicial, tal e como consta nos seus propios informes; na xurisdiccion penal logrouse reducir a pendencia en Viveiro polo enorme sobreesforzo do persoal xudicial; e en materia civil, aínda así, está a resultar imposible tendo en conta a tendencia ascendente das demandas que entran nos xulgados nunha soa anualidade.
Neste sentido, cabe lembrar que o Concello de Viveiro realizou as xestións oportunas para a formalización da cesión de uso gratuíto de varios locais de titularidade municipal para a ampliación dos xulgados de Viveiro e a creación dun terceiro Xulgado de Primeira Instancia e Instrución a favor da Consellería de Presidencia, Administracións Públicas e Xustiza.
Pavillón en Covas
Nunha segunda moción, o grupo socialista instará á Consellería de Cultura, Educación e Universidade para a construción dun pavillón polideportivo cuberto dentro das instalacións do CEIP Plurilingüe de Covas, para que así puidese contar cunha pista ao aire libre e outra pechada.
No caso de non resultar posible a construción dun pavillon cuberto, o concello instará á Consellería de Cultura, Educación e Universidade para a cubrición e peches laterais da pista deportiva actual e mais o arranxo das deficiencias existentes no espazo ao aire libre.
O novo colexio de Covas foi inaugurado hai xa 28 anos, en 1992. Na actualidade conta con 190 alumnos e alumnas, 19 docentes e 2 traballadoras de persoal non docente (unha conserxe e unha coidadora).
No centro impártese Educación Infantil, cun total de tres aulas, e Educación Primaria, con seis aulas. Ademais, dispón de aulas de música, de audición e linguaxe, de pedagoxía terapeutica (apoio), de inglés e de desdobres (ética, relixión, etc.), así como dunha biblioteca e dun pequeno ximnasio.
O centro carece dun polideportivo ou patio cuberto dende os seus inicios, a pesar de que na parte traseira, onde se ubica a pista deportiva, hai unha superficie na que ben podería encaixar a construción dun pavillón cuberto.
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
