Lugo, a 7 de outubro de 2020. Os países e as poboacións que teñen unha estrutura industrial forte son os que mellor resisten nesta crise económica derivada da pandemia por covid-19. Este feito é unha demostración do que xa se sabía. Na provincia de Lugo, a Deputación, por medio de Suplusa, proxectou distintos polígonos industriais, co fin de que Lugo puidese ofrecer atractivos para o asentamento de empresas. Foi unha decisión acertada. Hoxe, con Suplusa en proceso de disolución, a Deputación non parece disposta a asumir os compromisos adquiridos pola citada sociedade para o desenvolvemento de solo industrial en distintos concellos da provincia. O grupo municipal do PP insta ao goberno da Deputación, presidido polo socialista José Tomé, a cumprir os compromisos adquiridos e adoptar as medidas necesarias para sacar adiante os parques empresariais proxectados, á vez que destaca que o bigoberno tenta eludir estes compromisos. Un dos polígonos pendentes é o de Riotorto. O portavoz provincial, Javier Castiñeira, xunto con outros membros do seu grupo, e o alcalde, Clemente Iglesias González, visitaron esta mañá os terreos nos que xa tería que estar operativo este necesario, esperado e demorado pola Deputación parque empresarial. Neste senso, solicitan ao presidente desta institución que inclúa nos Orzamentos de 2021 a partida correspondente para a execución desta área industrial.
Javier Castiñeira destaca que o presidente da Deputación, que ao pouco de iniciado o actual mandato asegurou que o organismo provincial atendería os compromisos adquiridos por Suplusa, dixo moito máis recentemente, en sesión plenaria, que os protocolos establecidos polo organismo provincial non serven para nada. E aínda máis recentemente, na sesión plenaria celebrada no pasado mes de setembro, a deputada socialista Mayra García e a nacionalista Mónica Freire presentaron unha emenda a unha moción do PP na que pedían que se retirase un punto da proposición na que se instaba á Deputación a cumprir todos os compromisos adquiridos por Suplusa en canto a creación de parques empresarias; queda claro, por tanto, cal é a verdadeira vontade do bigoberno provincial.
A vontade real do goberno provincial con respecto aos parques empresarias comprometidos xa quedou de manifesto en novembro do ano pasado no debate da moción popular na que se pedía que no presuposto provincial para o actual exercicio económico (2020) se reservase unha partida finalista para a licitación e urbanización do polígono industrial de Vilarín no Concello de Riotorto. Naquel momento, os populares, por boca de José Antonio García, sinalaron: “Os trámites administrativos foron iniciados polo Concello fai catro anos cando presentou e tramitou o necesario plan especial urbanístico para o asentamento de naves e empresa. Nestes catro anos, o Concello de Riotorto foi conseguindo tódolos informes sectoriais e legais precisos para o parque empresarial fose unha realidade. O proceso de tramitación administrativa finalizou o 12 de novembro de 2019, coa aprobación definitiva, pola Xunta de Goberno do Concello, do proxecto de urbanización do parque empresarial Vilarín de Riotorto, que ten un orzamento de 402.250,48 euros. Agora é esta Deputación a que ten que subrogarse nas súas obrigas e nos seus compromisos cos proxectos desta provincia”. Pero xa entón tanto PSOE como BNG votaron en contra desta iniciativa.
O portavoz provincial do PP sinala: “É o momento de que o goberno provincial, e sinaladamente o seu presidente, digan se van manter ou non os compromisos adquiridos por Suplusa. Dende logo non hai nada que xustifique o non facelo. O caso de Riotorto é un exemplo de como a falta de interese do goberno provincial dana os intereses dun municipio que necesita dispoñer de solo industrial e pon da súa parte todo o necesario”. Engade Javier Castiñeira: “Señor Tomé, déixese de desculpas, asuma as súas obrigas e traballe polo interese da provincia, do que forma parte a creación dos parques empresarias proxectados no seu día por Suplusa e tan necesarios para concellos como o de Riotorto”.
Castiñeira tamén sinala: “ Equivócase o socialista José Tomé se pensa que imos deixar de reclamar que faga o necesario para que a Deputación cumpra os compromisos de Suplusa; hoxe estamos en Riotorto, precisamente, para recordarlle que ten un parque empresarial que desenvolver neste concello”.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
