Lugo, 25 de outubro de 2020. O Grupo Socialista na Deputación de Lugo defenderá o vindeiro martes, no Pleno da Corporación, unha moción para frear novos recortes na sanidade pública do rural da provincia reclamando ao Goberno de Feijóo que cubra a praza de médico, vacante por xubilación, no concello do Saviñao.
A voceira do PSdeG na Deputación, Pilar García Porto, demanda que a Xunta poña fin á práctica que converte as xubilacións en perda de prazas. E nesa liña solicita que se elabore un plan de avaliación real das necesidades da sanidade rural galega, tendo en conta criterios, como a poboación, dispersión, envellecemento ou a pegada da Covid, co fin de recuperar as ratios das plantillas do ano 2009.
García Porto explica que o concello de O Saviñao, na Ribeira Sacra, é un bo exemplo da realidade do rural lucense e da Galicia interior. Conta cunha poboación de aproximadamente 3.750 veciños e veciñas, espallados nunha extensión de 197 km2, o que dá unha densidade media moi baixa, por debaixo dos 20 habitantes por km2. Con 29 parroquias e 312 núcleos de poboación, é un bo exemplo da dispersión e envellecemento da poboación do rural lucense: a porcentaxe máis elevada de habitantes sitúase na franxa de 70 a 79 anos; a mais baixa, na infancia, nos 0 a 9 anos.
Xubilación dun médico
Así as cousas, a socialista argumenta que “a dispersión e o envellecemento esixen un esforzo á hora de deseñar o mapa dos servizos públicos e garantir a calidade dos mesmos, especialmente no que respecta á sanidade pública. O Saviñao conta cun centro de atención primaria en Escairón, a súa capital, no que veñen prestando servizo 3 médicos de atención primaria e un pediatra. A estes súmase o médico que atende o consultorio de Currelos. Pero os veciños e veciñas están preocupados ante a xubilación dun dos doutores que pasa consulta no centro de Escairón, pola actual política do Sergas de aproveitar as xubilacións para facer recortes de persoal”.
A sanidade de Feijóo empeora as ratios
Coa dotación actual de catro médicos de atención primaria para atender a 3.750 veciños, a ratio estaría nos 937 pacientes por doutor. A redución dun posto, elevaría esa ratio a 1.250, que se acerca ós topes de 1300/1500 doentes que aconsella a Sociedade Española de Médicos de Atención Primaria. “Non se entende que a política sanitaria galega tente empeorar os ratios alí onde son bos, en lugar de melloralos no conxunto do territorio galego”, asegura García Porto.
A Deputada argumenta tamén que “o propio presidente da Xunta ten insistido, nas negociacións co Goberno central, na necesidade de ter en conta o envellecemento e a dispersión á hora de avaliar o custo real da sanidade galega. Desgraciadamente, o que Feijóo reclama coas súas palabras en Madrid, négao cos seus feitos en Galicia, onde unha década do seu goberno se salda con recortes no presuposto, a perda de máis de 900 camas de hospital é 1.100 profesionais menos na Atención Primaria da nosa comunidade”.
Recortes no rural galego
O Grupo Provincial Socialista quere mostrar de novo o seu rexeitamento á política de recortes na Sanidade Pública que está a aplicar o goberno do PP, especialmente no rural galego: “Entendemos que a práctica de converter as xubilacións en recortes supón, non só unha merma nos servizos que reciben os veciños e veciñas do rural, senón un desprezo ós propios médicos, que ven como a súa carreira profesional se pecha cun deterioro da atención sanitaria que recibirán no futuro os seus pacientes”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
