Nos últimos anos falouse, e moito, da necesidade dunha administración amigable cos negocios (business-friendly). O problema, como en tantas outras cousas, é que ese concepto é facilmente manipulable segundo os intereses de cada quen.
Convén sinalar que unha administración que facilita a creación de riqueza, en primeiro lugar, non é aquela que abdica das súas responsabilidades. A fiscalidade non debe ser confiscatoria, pero é evidente que é necesaria para financiar os servizos públicos e que hai unhas regras que cumprir.
A recuperación económica derivada da pandemia do Covid-19 esixirá que os gobernos faciliten, e non obstrúan, a creación de riqueza. Que é, entón, unha administración amigable coa apertura de negocios? Estes puntos serven como guía:
1. Previsibilidade: as empresas foxen da incerteza e, polo tanto, esperan que as administracións non dean bandazos nas súas políticas económicas. É posible manter unha determinada presión fiscal, pero sempre que sexa continuada no tempo e que non experimente grandes mudanzas dun ano a outro.
2. Axilidade nos trámites: un problema das empresas e, sobre todo, dos autónomos, é o tempo que se perde para facer xestións con distintas administracións. A xanela única da Xunta de Galicia para trámites mercantís, de Facenda e Seguridade Social facilitaría moito o traballo cotián. A vantaxe de implementar esta medida é que non require de mudanzas constitucionais, polo que é factible.
3. Rapidez: o Estado Español é un dos territorios da Unión Europea no que máis se tarda en crear unha empresa, unha media de 12,5 días segundo o Banco Mundial (2018), fronte aos 3,5 de Dinamarca ou os 8 de Alemaña. Se tomamos como referencia o país máis rápido do mundo, en Nova Zelandia só se tarda medio día en dar de alta un negocio. Por outra banda, tamén hai que reformar a Lei de Procedemento Administrativo Común para acurtar os prazos de resposta.
4. Transparencia: a corrupción é un dos grandes inimigos da creación de novas empresas. Polo tanto, unha administración amigable cos negocios é aquela que ofrece garantías dun trato xusto aos cidadáns e na que a separación de poderes realmente funciona.
A conclusión é que aqueles países que actúan dun xeito responsable, áxil, rápido e transparente teñen máis posibilidades de atraer riqueza. Galicia pode e debe avanzar en autogoberno para favorecer a instalación de empresas e non perder capital humano a través da emigración.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
