Lugo, 2 de novembro de 2020. O Presidente da Deputación, José Tomé Roca, e o presidente da Federación de Asociacións de Familiares e Persoas con Enfermidade Mental de Galicia (FEAFES), Antonio Hernández Fernández, asinaron o convenio de colaboración polo que a institución provincial lle destina a esta entidade 34.000 euros para o programa de intermediación laboral e prácticas laborais.
O obxectivo deste proxecto é facilitar ás persoas con enfermidade mental da provincia de Lugo o acceso a un posto de traballo e a adquisición de hábitos e habilidades sociais. A día de hoxe, son máis de 400 persoas con enfermidade mental inscritas como demandantes de emprego no Servizo de Emprego e Formación da provincia de Lugo.
Este programa pretende que os usuarios e usuarias apliquen as súas competencias e capacidades na práctica real do traballo nunha empresa; que aumenten a capacitación profesional e a súa experiencia laboral e que consigan afrontar o emprego dun xeito máis fácil con motivación real para traballar.
Desde FEAFES realizan con cada usuario un itinerario personalizado de inclusión no que se establecen unha serie de medidas orientadas para a consecución de obxectivos e a reinserción laboral dos participantes. Os profesionais desta entidade proporciónanlles apoio, asesoramento, acompañamento e seguimento do itinerario marcado.
Ademais, esta programación inclúe aspectos relacionados coa sensibilización empresarial, posto que fomenta o desenvolvemento de acordos con empresas para a implantación de políticas de responsabilidade social no marco da integración laboral de colectivos con especiais dificultades, e busca captar o apoio empresarial para a contratación de persoas deste colectivo social, entre outras cuestións.
FEAFES
A Federación de Asociacións de Familiares e Persoas con Enfermidade Mental de Galicia é unha entidade sen ánimo de lucro, constituída no 1995, que a día de hoxe agrupa a 14 asociacións distribuídas por toda a xeografía galega. A misión de FEAFES é mellorar a calidade de vida das persoas con enfermidade mental, así como das súas familias e achegados.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
