Barreiros, a 2 de novembro de 2020. Representantes do Partido Popular da Mariña concentráronse este luns en barreiros para denunciar “o abandono total” do Goberno de “socialistas e podemitas” respecto desta comarca que, en palabras do vicesecretario de Participación e deputado no Congreso, Jaime De Olano, “entierra la A-74”. Deste xeito, os populares adiantaron que presentarán emendas ao documento orzamentario, co fin de que se corrixa este agravio, e se incrementen as partidas substancialmente para poder dar comezo ás obras desta infraestrutura tan elemental para a comarca.
Os populares lamentan así as cativas partidas que o Executivo incluíu para esta autovía. Supoñen unha redución do 87% respecto do último investimento aprobado polo Goberno de Mariano Rajoy en 2018. Concretamente, fronte aos máis de 3 millóns de euros que contemplaba o Executivo popular nese ano, os actuais dirixentes só inclúen 400.000 euros para o vindeiro exercicio.
Naquel entón Cristóbal Montoro deixará consignada a partida para redactar, aprobar e licitar os dous treitos máis próximos á Autovía do Cantábrico, os que unen Barreiros, Foz e Burela. O traxecto de Foz a Burela tiña un custe total de máis de 93 millóns e unha asignación que se aproximaba aos 2 millóns de euros. Esta subiría aos 10,3 millóns en 2019 e aos 20 millóns en 2020 para cumprir as previsións indicadas. Para o comprendido entre Barreiros e Foz (82,38 millóns), recollía un investimento de case 1,3 millóns en 2018, que ascendía a máis de 11 millóns en 2019 e a 20 millóns en 2020. O derradeiro traxecto Burela-San Cibrao, cun orzamento total de 83 millóns, tiña consignado medio millón para 2018; 10,5 millóns en 2019; 22 millóns en 2020; e 25 millóns en 2021.
“A comarca máis sacrificada polo PSOE”, di Candia
Con estes datos, extraídos dos distintos proxectos de Orzamentos, a redución anunciada polo Goberno é para os populares un exemplo máis de como o Partido Socialista nestes dous anos e, sobre todo neste último, co apoio de Podemos, está a castigar a os mariñaos. “Estamos na comarca máis sacrificada polo PSOE”, afirmou a presidenta provincial Elena Candia. Precisamente, a tamén deputada autonómica lembrou como “recentemente tamén viamos como o Plan de Sostibilidade Turística quedaba fóra dos fondos estatais a pesares de ter o compromiso da financiación por parte da Xunta de Galicia”. Elena Candia reafirmouse así na idea de que “estamos pagando os pactos dos socialistas. A Feve nin se cita e con Alcoa xa vimos cales foron as xestións”, sentenciou.
A A-74 é a grande infraestrutura que permitirá vertebrar a Mariña, ao enlazar a A-8 con San Cibrao. Coas partidas anunciadas, “lo único que van hacer, afirmou Olano, es que esta obra se abandone por completo”. Por este motivo, agarda que os voceiros e alcaldes do PSOE, BNG e de Podemos da comarca se opoñan a este proxecto orzamentario.
Descoñecemento e falta de peso de Tomé
O voceiro do PP na Deputación, Javier Castiñeira, tamén se manifesta moi crítico. Xa o fixo na sesión plenaria de outubro, coa moción do PSOE sobre a A-56 e logo da negación por parte do bipartito para incluír a emenda dos populares que pedía ao Goberno que se comprometese tamén co resto de autovías proxectadas na provincia, entre elas a da Mariña.
“Puxemos contra as cordas ao goberno provincial e, o que é máis grave, xa detectamos a falta de interese do mesmo por esixir aos seus compañeiros na Moncloa que non se marxinase á provincia. Quedounos claro o nulo peso que ten o presidente Tomé nas decisións do Goberno do Estado, pero a Mariña necesita un empuxón. Está a pasar por dúas crises intensas que son a de Alcoa e a da covid, que afecta, esta última, ao comercio e a turismo, e que están mermando o ánimo das mariñaos. Se anunciase a licitación do primeiro treito desta autovía sería un revulsivo para as esperanzas e o noso futuro”, defende.
Dado que non é así, Castiñeira avanza que “traballeremos conxuntamente co resto de deputados para que as emendas que cheguen ao Congreso contemplen ese inicio e licitación do trazado Barreiros-San Cibrao”.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
