Lugo, 19 de novembro de 2020. A subdelegada do Goberno, Isabel Rodríguez, e o alcalde de Ribadeo, Fernando Suárez, presidiron hoxe a Xunta Local de Seguridade na que se renovou a colaboración das dúas administracións na loita contra a violencia de xénero. Na xuntanza, celebrada esta mañá por vía telemática, aprobouse un novo protocolo de coordinación e colaboración entre a Garda Civil e a Policía Local de Ribadeo para a protección das vítimas de violencia de xénero.
Isabel Rodríguez destacou o feito de que “a renovación deste protocolo de colaboración para protexer ás vítimas á alcaldesa prodúcese nos días previos á conmemoración do Día Internacional para a Eliminación da Violencia contra a Muller”. A subdelegada felicitou ao alcalde e ao Concello de Ribadeo pola súa implicación na loita contra a violencia de xénero, que “é un problema de toda a sociedade e no que todos debemos estar comprometidos”.
Rodríguez explicou que o novo protocolo aprobado hoxe na Xunta Local de Seguridade incorpora actualizadas as normativas e regula como será a implicación da Policía Local na protección das mulleres de Ribado que son vítimas de violencia de xénero.
O documento establece os mecanismos de coordinación entre a Garda Civil e a Policía Local na execución e seguimento das medidas xudiciais acordadas para a protección de vítimas de violencia de xénero residentes neste termo municipal.
A subdelegada informou de que a data de hoxe son 13 os casos activos no Sistema Viogen de Seguemento Integral de mulleres residentes no concello de Ribadeo, 1 de risco medio, 2 de risco baixo e 10 de nivel de risco non apreciado.
MENOS DELINCUENCIA
A Xunta Local de Seguridade analizou tamén a situación da seguridade cidadá no concello de Ribadeo.
Na xuntanza, púxose de manifesto que por segundo ano consecutivo rexístrase unha tendencia á baixa da criminalidade, xa que nos dez meses comprendidos entre xaneiro e outubro deste ano produciuse unha baixada do -7,44% no número de infraccións penais rexistradas. Foron, concretamente 199, delas 93 por delitos graves ou menos graves e 106 por delitos leves. No mesmo período do ano pasado rexistráranse 215. A subdelegada lembrou que a evolución é positiva, aínda que debemos ter en conta que 2020 está a ser un ano diferente polas restricións de mobilidade, motivadas pola pandemia, repercuten na delincuencia.
Rodríguez informou de que tamén en 2019 as estatísticas da Garda Civil reflectiran unha lixeira diminución na delincuencia en relación co ano anterior. En total computáronse no concello de Ribadeo 247 infraccións penais en 2019, un
-0,8% respecto ao ano anterior, cando se rexistraran 249. Ademais, en 2019, a Garda Civil detivo a 45 persoas pola súa presunta implicación en feitos constitutivos de delitos e investigaron a outras 46.
PLANS OPERATIVOS DE SEGURIDADE
Outro asunto abordado na xuntanza foi a marcha dos plans operativos da Secretaría de Estado de Seguridade, condicionados este ano pola pandemia do COVID-19. Por este motivo, a Garda Civil non puido realizar dez actividades que tiña programadas.
Aínda así, durante o curso 2019-2020, dentro do Plan Director para a Convivencia e mellora da Seguridade Escolar, impartíronse dúas charlas nos centros educativos de Ribadeo, nas que se abordaron temas referidos aos riscos na Internet e novas tecnoloxías e ao acoso escolar.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
