A Mariña, 13 de novembro de 2020. A Mancomunidade de Concellos da Mariña Lucense anima a participar á cidadanía no concurso posto en marcha dentro da iniciativa Cociñando A Mariña Lucense. O prazo de presentación das vídeo-receitas finaliza o próximo 22 de novembro. O ente leva a cabo este proxecto en colaboración coa FCAM e co apoio da Axencia de Turismo de Galicia.
A Mancomunidade lanzou este concurso de vídeo-receitas para o público xeral o pasado 23 de outubro, despois de ter dado a coñecer o traballo dos distintos produtores existentes no territorio nas súas redes sociais durante case un mes. Ademais, a próxima semana fará pública na web a Guía de Produtores da Mariña Lucense onde figuran os 154 que quixeron participar dos 243 identificados en toda a comarca.
Dende o pasado 22 de outubro tamén é posible inspirarse e aprender observando as propostas de elaboracións da hostalería local nas redes sociais de Turismo da Mancomunidade ou no canal de Youtube da entidade. Un total de 16 restaurantes accederon a participar e tamén colaborou o IES de Foz gravando con dous alumnos e unha profesora de Hostalería.
Desde a Mancomunidade explican que “o obxectivo desta iniciativa no seu conxunto, pasa por posicionar a comarca como un destino de turismo gastronómico e por poñer en valor aos produtores, aos produtos e á gastronomía local. Trátase dunha iniciativa novidosa coa que dar a coñecer os produtores e alimentos da comarca, onde a hostalería amosa algunhas das súas elaboracións con produtos locais a través de vídeo-receitas e onde se convida a participar á cidadanía nun concurso de receitas de gastronomía local mariñá”.
Deste xeito dende a Mancomunidade lembran que quedan tan só dous fins de semana nos que vestir o mandil e poñerse a cociñar e indican que “participar neste concurso é moi sinxelo. Só hai que gravar en vídeo unha receita elaborada con alimentos que se produzan na Mariña Lucense como ingredientes principais”. Conseguir produtos locais é sinxelo da man dalgún comercio ou produtor de proximidade e para a elaboración da vídeo-receita dende a Mancomunidade trasladan as seguintes recomendacións:
Preparar un pequeno guión por pasos en base á receita, para ter claro que gravar e cando.
Poñer a gravar o móbil en horizontal e ir filmando uns segundos de cada paso.
É posible usar vídeo e tamén fotografías, si se prefire.
Evitar na medida do posible os ruídos e conversas.
Pódese ir comentando os pasos coa voz de cada quen ou engadir algunha indicación no momento da montaxe.
Unir as imaxes ata conseguir un vídeo de entre 1 e 5 minutos, utilizando o programa de edición de vídeo do ordenador ou tablet ou algunha App gratuita para montalo.
Ademais, sempre se pode contar con axuda dalgún amigo ou familiar e facelo máis sinxelo.
Os premios do concurso buscan dar a coñecer e que os premiados poidan desfrutar dos recursos tan valiosos da comarca.
1º Premio: Fin de semana no Hotel Rías Altas de Barreiros para dúas persoas, para vivir unha experiencia de turismo slow.
2º Premio: Ruta da Faba de Lourenzá para dúas persoas. Trátase dunha experiencia turística completa que combina arte, natureza, gastronomía e cultura local.
3º Premio: Cesta de alimentos da Mariña Lucense para degustar no fogar das delicias desta comarca.
Pódense enviar as vídeo-recetas a cocinando@amarinalucense.gal ata o día 22 de novembro ás 00:00 pm, que será cando se peche o concurso. Poden consultarse as bases completas do concurso na web amarinalucenese.gal na sección do proxecto Cociñando A Mariña Lucense.
O 22 de novembro remata o prazo de presentación de vídeo-receitas ao concurso Cociñando a Mariña Lucense
Relacionado
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
