Burela, a 19 de novembro de 2020. O PP de Burela denuncia que o Sr. Llano faltou ao compromiso acadado este pasado martes na xunta de portavoces ao solicitar publicamente na prensa a apertura de Burela cando en dita reunión quedara en facerse mediante unha declaración institucional conxunta entre os tres grupos da corporación.
Deste xeito o alcalde Llano viña a rectificar a súa absurda negativa a este respecto, trala solicitude feita polo voceiro popular no pleno matinal deste pasado luns no que se instaba á corporación a “empregar a ferramenta política máis forte da que se dispuña nestes intres para axilizar a apertura de Burela, especialmente do sector da hostalaría, unha declaración institucional que instara á Xunta de Galicia a abrir Burela se a melloría se mantiña”, indican dende o PP burelao.
Pero en tan só 24 horas volveu a cambiar de opinión pasando a trasladar aos medios de comunicación, de forma unilateral, a solicitude de apertura de Burela que lle ía trasladar á Consellería de Sanidade.
“Unha vez máis o Sr. Llano demostra o que realmente é, un alcalde sen palabra, sen criterio e agora tamén un alcalde sen honor”, declaran os populares. E pregúntanse “é este o alcalde que os veciños e veciñas de Burela se merecen”. “Que se pode esperar dun alcalde con esta falta de integridade”.
As axudas municipais para os autónomos e as empresas de Burela, un novo fracaso da xestión do socialista
Xa o adiantara o PP no seu momento, “as bases destas axudas eran inadecuadas e confusas e xa se vía que só ían alcanzar a unha mínima parte do tecido económico e empresarial da nosa vila”.
“Tan só o 15% dese tecido foi alcanzado polas mesmas e dos 125.000 euros anunciados aos catro ventos polo Sr. Llano, cando noutros concellos da nosa contorna a contía total era moi superior, apenas se repartiron 50.000 euros, nin tan sequera un 40% das mesmas”, aclaran dende o PP de Burela.
“Dende a formación popular exiximos que, os preto de 75.000 euros que quedaron sen repartir, se poñan novamente á disposición dos empresarios e comerciantes de Burela de forma inmediata, sendo especialmente sensibles no seu reparto cos sectores máis castigados pola pandemia, como por exemplo o sector da hostalaría”. E conclúen os populares, “se ao Sr. Llano lle queda un mínimo de dignidade debería de incrementar as mesmas, acorde ás cantidades que noutros concellos da nosa contorna se habilitaron para esta fin, relaxando esta vez o nivel de esixencia nas bases para que así máis autónomos, empresarios e comerciantes se animen a solicitalas”.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
