Foz, a 10 de novembro de 2020. A ampliación das terrazas foi un recurso absolutamente necesario para a hostalería para facer fronte ás limitacións de aforo necesarias para frear os contaxios da covid-19. Tamén en Foz, pero os hostaleiros comproban que o Concello lles pasa agora a taxa por ocupación de vía pública en función do espazo realmente ocupado, cando estaban convencidos de que o Concello non a aplicaría á parte ampliada. O portavoz do PP en Foz, Javier Castiñeira, sinala: “Queremos dar voz as queixas que moitos hostaleiros nos trasladan estes días porque están chegando os recibos de ocupación de vía pública do mes de xuño, un mes no que, recordamos, o alcalde, despois do confinamento, dixo que ía tratar de eliminar os pagos de varios servizos e facilitar a ocupación de vía pública con terrazas, para facilitar o traballo aos hostaleiros”. Os populares fan unha petición clara: “Pedimos ao alcalde de Foz que reconsidere esa decisión e que trate de que neste ano aos hostaleiros se lles condone esa parte de ocupación da vía pública, porque para nada lles compensou un ano tan complexo e difícil, e que, lamentablemente, vai seguir así”.
Castiñeira sinala: “Polo que parece e nos informan e puidemos comprobar, os recibos non é que veñan exactamente igual que os doutros meses, senón polo dobre. Cremos que é absolutamente inxusto. Parece como se o alcalde incitase a que os hostaleiros ocuparan máis vía pública e estes, confiados, pensaron que sería polo mesmo custo” . Os populares din que o correcto sería non cobrar a taxa por ocupación de vía pública; sería, di Castiñeira, “o correcto nun ano aciago para a o sector como é este”.
O portavoz dos populares en Foz di que “está moi ben ir ás manifestacións, pero hai que poñer solucións enriba da mesa e neste caso nin o alcalde de Foz nin o bipartito o están a facer”. Engade: “Nin presta axudas a pemes e autónomos, como pediu o PP e como se está a facer en moitos dos concellos da Mariña, nin rebaixa o importe das ocupacións de vías públicas que os hostaleiros efectuaron neste ano triste, malísimo para este sector”.
Castiñeira sinala: “Quero dicirlle ao señor Cajoto que pense máis nos empresarios, nos hostaleiros e nos comerciantes; necesitan a axuda dunha administración local que a día de hoxe non os está axudando”.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
