Ribadeo, 26 de novembro de 2020. Ribadeo recupera neste vindeiro mes de decembro o seu festival de jazz e blues despois de tres anos sen celebrarse. No auditorio municipal Hernán Naval haberá concertos de Travellin´ Brothers, Summrá e Zenet, para os que as entradas xa están á venda en www.ataquilla.com. Ademais o programa inclúe unha exposición fotográfica de Cris Andina na oficina de turismo ribadense.
O VI Festival de Jazz & Blues de Ribadeo foi presentado na tarde de hoxe, xoves, na Casa do Concello ribadense pola concelleira de Cultura, Pilar Otero, e o director artístico do evento, Rafael Monteavaro, de Game Over Productions, que é a empresa organizadora.
Travellin´ Brothers, Summrá e Zenet actuarán os días 6, 8 e 12 de decembro e os tres concertos serán ás 20:00 horas con entradas numeradas gardando as distancias de seguridade, aforo reducido a 100 persoas para cada unha das actuacións e demais medidas contra o Covid 19. A exposición da ribadense Cris Andina, especialista en fotografar artistas de teatro e músicos, será inaugurada o 4 de decembro ás 19:00 horas e estará aberta ao público ata o día 19.
A edil de Cultura deu a coñecer o programa do festival e destacou o currículo dos artistas participantes.
Rafael Monteavaro explicou que “este ano, tan especial para todos e sobre todo para os músicos e para a xente que andamos ao redor deles, decidimos retomar o festival de jazz despois de tres anos de parón. Esta será a sexta edición e pode parecer chocante que precisamente con esta situación nos atrevamos a tirar para diante pero hai dúas cousas que foron definitivas á hora de decidirnos: intentar entre todos que a música en directo non morra, que os músicos non morran de fame e que os afeccionados á música poidan seguir tendo a onde acudir; e segundo e fundamental foi o apoio que recibimos tanto do Ministerio de Cultura, a través do INAEM, como do Concello de Ribadeo. Sen estas axudas sería imposible dado que as condicións nas que se teñen que desenvolver estes concertos, con aforo limitado, fan todo máis difícil aínda. De todas maneiras cremos que xuntamos un cartel moi atractivo”.
Ademais Monteavaro aclarou que teñen o permiso da Xunta de Galicia que lles permite contar cun aforo de 100 persoas en cada concerto, para o cal tiveron que presentar un protocolo de actuación.
Travellin´ Brothers é unha banda bilbaína, que está considerada unha das mellores de Europa. Nos seus 15 anos de historia leva gravados 8 discos e máis de 1.000 concertos en xiras nacionais, europeas e en USA.
Sumrrá é o trío máis representativo do jazz galego contemporáneo, leva case vinte anos nos máis variados escenarios do mundo enteiro e conta con seis discos no mercado.
Zenet foi premio da música ao artista revelación en 2009 e posteriormente logrou varias distincións máis. O seu novo disco, La Guapería, é de versións de boleros cubanos antigos e na semana da súa saída ao mercado entrou no top 10 dos discos máis vendidos en España e acadou o número 7 nas listas.
O prezo das entradas para estes concertos é de 10 euros, 8 euros e 16 euros respectivamente, que son moi inferiores aos que se pagan nas actuacións destes artistas noutros lugares.
Ribadeo recupera neste decembro o seu Festival de jazz e blues despois de tres anos sen celebrarse. Actuarán Travellin´ Brothers, Sumrrá E Zenet
Relacionado
-
Lucía Legazpi López gaña a viaxe a Lanzarote no sorteo do Pasaporte de Acisa
-
Mondoñedo acolleu este sábado a XII Xornada Anual da SOGAMP, centrada nos retos da medicina preventiva
-
A Xunta impulsa en Ribadeo a celebración do foro ‘España Verde: un destino de calidade’ para reforzar a oferta turística da Mariña
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
