Ribadeo, 2 de decembro de 2020. O alcalde, Fernando Suárez, anunciou que a plataforma de contratos do Estado publica hoxe a licitación das obras de mellora da estrada dos Garitos, que suporán un investimento de 359.000 euros. Unha vez que sexan adxudicadas o prazo de execución será de cinco meses. Agora ábrese un prazo de vinte días para que as empresas presenten as súas ofertas.
O rexedor ribadense comentou que “sae publicado hoxe na plataforma de contratos do Estado a licitación das obras de acondicionamento e renovación da estrada da estación por un importe de 359.716 euros. Hai que lembrar que o 78% destes recursos son aportados pola Deputación de Lugo e o resto, uns 79.000 euros, son aportados polo Concello de Ribadeo a través dos recursos propios. O prazo para a execución destas obras, unha vez adxudicadas, será de cinco meses e agora durante vinte días naturais as empresas cualificadas para facer estas obras van poder presentar as ofertas para que poidamos escoller a mellor, de acordo cos criterios que se establecen nos pregos de contratos”.
Suárez Barcia dixo que “todo isto é a consecución dun ano de moitísimo traballo pola nosa parte, de trámites, de redacción do mellor proxecto posible, de consecución dos terreos que eran titularidade de Feve e nolos pasaron ao Concello e de varias cesións menores doutros particulares, que tamén nos tiveron que ceder unha parte dos terreos”.
Para o alcalde ribadense “tamén foi un ano onde puidemos constatar, á vista de todos están os acordos plenarios e as intervencións nos medios de comunicación, que hai quen só ven á política para facer ruído pero logo as caretas, coa forza dos feitos, van caendo precisamente polos seus propios feitos. Son os de sempre, non dan un can, moito dicir que se fai e moito dicir que se trae, pero logo despois, cando chega a hora da verdade, nada de nada. En todo caso facer aspaventos cando se lle conceden a Ribadeo cuestións de tipo ordinario e vendelo como se fose unha lotería, que nos regan de cartos cando nada de todo iso é verdade. En todo caso, a nós o que nos toca é traballar e facelo o mellor posible cos recursos que temos ao noso alcance”.
Fernando Suárez engadiu que “agora con esta licitación imos abrir unha nova etapa cunhas obras que van cambiar este perigoso vial dunha maneira determinante, dunha maneira moi positiva, porque é un vial que é utilizado por moitísimo tráfico pesado, moito del provén da madeira que se saca das parroquias do interior e utilizan este vial como o único posible para saír á autovía ou á circunvalación, polo que esperemos que neste 2021 sexa un ano definitivo para ver isto cambiado”.
A plataforma de contratos do Estado publica este mércores a licitación das obras de mellora da estrada dos Garitos
Relacionado
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
