Santiago de Compostela, 28 de decembro de 2020. O presidente da Xunta, Alberto Núñez Feijóo, remitiu hoxe unha carta ao presidente do Goberno central, Pedro Sánchez, na que lle traslada a preocupación de Galicia pola incidencia que o acordo sobre o brexit entre a Unión Europea e o Reino Unido ten no sector pesqueiro galego e que supón un novo recorte da actividade da frota en augas de Gran Sol. Ante a incerteza existente, e dado o peso da comunidade no conxunto da actividade marítimo-pesqueira estatal, o titular do Executivo autonómico solicítalle ao Goberno central que Galicia teña presenza directa na representación de España nas futuras negociacións de TAC e cotas tanto no seo da UE como co Reino Unido co obxectivo de que os intereses galegos sexan escoitados.
Feijóo trasládalle na misiva a Pedro Sánchez que a Comunidade está a traballar de forma intensa na análise do acordo e das súas derivadas e que o sector pesqueiro galego e as familias que viven del non poden permitirse un novo impacto semellante ao sufrido coa adhesión de España á Comunidade Económica Europea en 1986. Por iso, ponse á súa disposición e ofrécelle a súa colaboración na defensa dos intereses da frota galega e española.
Non obstante, o titular do Executivo galego lamenta que Galicia aínda non recibise información de xeito oficial sobre o acordo por parte do Estado e incide en que os datos coñecidos ata o momento deixan un panorama sombrío para a frota. Unha situación, subliña, que vén confirmar os malos presaxios e a preocupación expresada pola comunidade e por outras rexións costeiras europeas desde hai meses en relación coa posibilidade de que a pesca fose entregada como moeda de cambio no acordo.
O presidente da Xunta expón no seu escrito que a redución de cotas como consecuencia da cesión a Reino Unido incide sobre unha base xa moi escasa de posibilidades de pesca derivada do tratado de adhesión de España á UE así como do coñecido como principio de estabilidade relativa, que permitiron manter a actividade en augas de Gran Sol a costa do sacrificio do 70% da frota pesqueira que Galicia tiña neses caladoiros en 1986.
Outras consecuencias
Ademais, incide Feijóo, o impacto do acordo non se limitará unicamente á perda directa de posibilidades de captura pola súa entrega ao Reino Unido. Tamén afectará, moi probablemente, á disposición de especies peláxicas no Cantábrico así como á marxe de manobra que adoita ter España para a realización de intercambios de cotas que contribúan a mellorar o punto de partida anual das posibilidades de pesca.
Outra das repercusións do acordo que cita o presidente da Xunta na súa carta é o feito de que a partir de 2026 -cando remata o período transitorio que comeza agora- as partes terán que negociar de novo o acceso ás augas de Reino Unido e a Unión Europea carecerá do seu principal elemento de forza ante esa situación, a entrada ao mercado comunitario dos produtos pesqueiros británicos. A isto súmase que a frota galega competirá coa británica en desigualdade de condicións pois os buques do Reino Unido non estarán sometidos á Política Pesqueira Común, moi esixente en termos ambientais.
Feijóo tamén advirte de que o impacto indirecto que España e Galicia sufrirán polo brexit tampouco está recollido de forma explícita nos obxectivos e parámetros de axuda incluídos no Fondo de Axuste do Brexit, polo que calquera impacto posterior tería dificultades para ser compensado con este fondo.
Ante esta incidencia do acordo sobre o brexit na actividade pesqueira, a Xunta está en contacto permanente co sector e vai seguir traballando na defensa dos intereses. Con ese obxectivo, a Consellería do Mar xa encargou dous informes para avaliar o seu impacto tanto desde o punto de vista técnico-administrativo na actividade extractiva e na comercialización dos produtos pesqueiros como desde o punto de vista xurídico.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
