Ribadeo, 29 de xaneiro de 2020. O Concello de Ribadeo ofreceu esta mañá unha recepción aos dous remeiros medallistas no Campionato de España de Remo celebrado en Sevilla. Iker García Valle obtivo a medalla de prata na categoría xuvenil e Juan Lara Calonge conseguiu a de bronce en cadete. Ambos recibiron de mans do concelleiro de Deportes e do alcalde unha reprodución da Illa Pancha, realizada pola Asociación de Axuda ao Enfermo Mental A Mariña, ademais de senllos diplomas. Os medallistas estiveron acompañados neste acto polas súas familias.
O edil de Deportes, Jorge Díaz, dixo que “estamos aquí para despedir o ano e non podía ser con mellor cousa que dando o agradecemento da Concellaría de Deportes á área de remo, neste caso tanto a Iker como a Juan, que quedaron prata e bronce respectivamente, Iker en xuvenil e Juan en cadete, no Campionato de España celebrado en Sevilla”.
Díaz Freije agradeceulles “o esforzo de todo o ano e de todos estes anos, tanto a eles como aos pais e familiares, e a todos os que están involucrados neste deporte. Desde o Concello, como sempre, colaboramos en todo o que podemos e ata onde podemos chegar, e desde a miña área imos seguir facendo así. Este ano cambiamos un pouco os premios e son da Asociación de Axuda ao Enfermo Mental A Mariña para colaborar con eles porque o deporte tamén inclúe esforzo e colaboración”.
O alcalde ribadense, Fernando Suárez, subliñou no súa intervención que “non coñezo ningún club, nin creo que exista, onde desde o seu nacemento e nos poucos anos de vida, que tivera xente tan boa, tanto en masculino como en feminino, que fora dando resultados para eles, para o seu club e para Ribadeo”.
O rexedor dirixiuse aos deportistas dicíndolles que “é unha enorme honra recibirvos no Concello, onde moitas veces nos gusta que este salón de plenos non soamente sexa escenario de debates políticos arduos senón tamén que sexa escenario de momentos como este, de recoñecer na casa de todos, que é o Concello, a vosa actuación nesta faceta deportiva. Non vos esquezades dos estudios, é moi importante, mirade que isto pasa. Remaredes, ganaredes e seguramente vos recibiremos outra vez, pero non descoidedes os estudios, que é o máis importante”.
Xunto aos deportistas homenaxeados estiveron tamén o técnico de Deportes do Concello, Iván López, e o presidente do Club de Remo de Ribadeo, Miguel Balsa.
O Concello de Ribadeo ofreceu unha recepción aos remeiros Iker García e Juan Lar
Relacionado
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
