Burela, 20 de decembro, 2020. O Pescados Rubén Burela revalidou este mediodía o título de Copa da Raíña nun grande espectáculo galego ante Poio Pescamar FSF (1-0), no que reinaron as defensas e Elena Aragón fixo posible a vitoria cun dobre penalti na primeira parte. As Guerreiras volveron proclamarse campioas na segunda edición da cita, pechando un ano deportivo excepcional, no escenario que tamén conquistaron a liga 2019-20. A capitá laranxa, Peque, alzou o trofeo entregado polo presidente da Real Federación Española de Fútbol, Luis Rubiales.
A defensa burelista en media pista inicial deu paso para ir subindo e aumentando a intensidade en presión. Probaron Dany e Cilene nos primeiros compases, moi incisivas, e máis tarde Ale de Paz e de novo a 6 burelista, en estratexia, cunha escuadra laranxa moi atenta en repregamentos para evitar que o Poio fixese dano. As primeiras intervencións de Jozi chegaron no minuto 8 sabendo reaccionar ao perigo en estratexia de Clara e Luci. Co paso dos minutos e cun encontro máis aberto, Pescados Rubén buscou subir liñas para darlle máis profundidade a Dany. A ocasión máis clara ata o momento para Poio produciuse no 14, cun encontro de Cilene con Julia saíndo á contra, aínda que no man ao man coa rede, foi Jozi a que saíu vitoriosa. Chegou entón a de ouro burelista en dobre penalti, tras revisión de Soporte Tecnolóxico solicitado por Julio Delgado; o traveseiro evitou a primeira tentativa de Elena Aragón, pero a andaluza non errou fronte a Caridad na segunda oportunidade, segundos despois, nesta ocasión cun balón raso. A falta de pouco máis dun minuto para o descanso e tras revisión solicitada por Manu Cossío, a 19 laranxa dispuxo da segunda vantaxe pero o disparo cruzado fóiselle desviado.
Jozi e Caridad protagonizaron o regreso. A meta burelista estivo moi atenta en estratexia por partida dobre, ante Clara e Miriam. Segundos despois, a pontevedresa despexou por arriba a gran chegada de Leti. Gañou Poio en chegadas, con máis posesión, e Dani Sousa avisou con moito perigo (minuto 25), aínda que non deixou de tentalo Pescados Rubén, con Cami e Ale de Paz ás mans da porteira visitantes e Cristina máis tarde, para recuperar a súa comodidade e ofrecer unha versión impoluta en defensa. O Poio tivo o empate en estratexia rozando Ana Rivera o gol; volveu tentalo a ex das laranxas, Luci, segundos despois a piques de ver a igualada de novo. Tras o gran bloqueo de Cilene fronte a Ana Rivera, as de Manu Cossío apostaron por xogo de cinco con Irene no 38. Souberon sufrir ata o final as Guerreiras para aferrarse á vantaxe cunha solidez impecable.
Ficha técnica
Pescados Rubén Burela FS: Jozi, Dany, Cilene, Cami, Bea Mateos, cinco inicial; tamén xogaron M. Cortés, Ale de Paz, Cristina, Elena Aragón
Poio Pescamar FSF: Caridad, Dani, Irene, Luci, Rivera, cinco inicial; tamén xogaron Antía, Clara, Chiesa, Carol, Miriam, Julia
Goles: 1-0, minuto 16, Elena Aragón (d.p.)
Árbitros: Rodrigo Miguel // Sánchez Molina // Rodríguez Navarro // AAR Gutiérrez Echevarría. Por Burela amarela para Dany. Por Poio amarela para Antía.
Incidencias: Partido correspondente á final de II Copa de S. M. A Raíña disputado no Palacio de Deportes Martín Carpena de Málaga e emitido en directo de Teledeporte, cos comentarios da seleccionadora nacional, Clàudia Pons. A festa do fútbol sala irmandiño contou coa presenza no palco do presidente da Real Federación Galega de Fútbol, Rafael Louzán, e do vicepresidente, Pablo Prieto. O apoio do Concello de Burela ás Guerreiras estivo representado polo edil de Deportes, Ramiro Fernández.
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
