Viveiro, 15 de xaneiro de 2021. O Concello de Viveiro asinou nas últimas datas catro convenios coa Deputación Provincial de Lugo por un importe total de 126.722 euros.
O primeiro destes convenios céntrase no acondicionamento das redes secundarias de faixa de xestión da biomasa, que permiten previr o inicio dun lume e a súa propagación. O convenio permitirá proceder á roza mecanizada en marxes de camiños de titularidade municipal, nunha lonxitude de 9,5 quilómetros.
Este convenio asínase ao abeiro do programa “O que non arde”, desenvolto pola Área de Medio Rural. O acordo implica un importe de 10.400 euros, dos que máis de 4.900 euros son financiados pola Deputación de Lugo, mentres que o Concello de Viveiro encárgase de achegar dos 5.500 euros restantes.
Outros dous dos convenios asinados teñen por obxecto a celebración do Belén a tamaño natural 2019-2020 e 2020-2021, respectivamente. Cada un destes convenios ten un importe total de 45.000 euros, dos que a achega da Deputación ascende a 35.000 euros e a do Concello é de 10.000 euros. O Belén “Viveiro ante o Berce”, que é considerado como un dos máis importantes de Galicia, constitúe un importante reclamo turístico e cultural e supón un impulso económico destacable para a economía local.
O cuarto dos convenios asinados ten por obxecto a execución do proxecto denominado “Promoción do turismo: mellora do entorno”, que inclúe a renovación de mobiliario urbano. Proponse o acondicionamento de papeleiras, bancos, mesas ou aparcabicletas, así como a instalación de carteis nas autovías A-6 e A-8, para visibilizar e poñer en valor os principais atractivos turísticos de Viveiro e a súa imaxe como destino turístico de calidade. O importe deste convenio ascende a 26.300 euros, dos que case 25.000 son aportados pola Deputación e os 1.300 euros restantes son financiados polo Concello de Viveiro.
O Concello de Viveiro agradece á Deputación Provincial de Lugo a aprobación e a sinatura destes convenios que, segundo o goberno local, redundarán en beneficio de toda a cidadanía do municipio.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
