Lugo, 17 de xaneiro de 2021. A Xunta de Galicia impulsa con 1,2 millóns de euros a modernización tecnolóxica de máis de 300 negocios de autónomos e pequenas e medianas empresas de Lugo ao abeiro do programa dos “cheques de dixitalización”, incluídos no Plan de reactivación económica posto en marcha polo Goberno galego para paliar as consecuencias da pandemia.
O delegado territorial da Xunta en Lugo, Javier Arias, explicou que os cheques de dixitalización benefician en concreto a 308 empresas da provincia, que reciben axudas por un volumen global de 1.259.550 euros, o 80% do investimento declarado polos interesados.
Neste sentido, Arias destacou a aposta pola transformación dixital do empresariado lucense, introducindo ferramentas que permiten complementar a venda física e en liña e optimizar a xestión dos negocios co fin de reforzar a súa competitividade no actual contexto económico.
O 50% dos destinatarios destas achegas pertencen aos sectores da hostalería e o comercio, pero tamén destacan outras empresas de servizos, como academias de formación, transporte, talleres mecánicos ou salóns de peiteados. Igualmente, figuran unha decena de asociacións empresariais da provincia.
O concello da capital asume máis da terceira parte dos apoios, cun total de 118 que suman axudas por 535.600 euros para un investimento mobilizado de 669.500 euros. A continuación sitúase o concello de Sarria, con 20 beneficiarios e 64.600 euros en apoios para un investimento total de 80.800 euros.
Así mesmo, rexistran máis de dez negocios na lista de beneficiarios os municipios de Monforte de Lemos (16 axudas por valor conxunto de 61.770 euros); Ribadeo e Vilalba (con 14 cada un e axudas que rondan os 47.000 euros); Viveiro (12 axudas e 47.000 euros), e Foz (11 apoios e 41.000 euros). Burela conta con dez beneficiarios que reciben en total 58.500 euros.
O delegado lembrou que este programa da Vicepresidencia Segunda e Consellería de Economía, Empresa e Innovación -cofinanciado polo Fondo Europeo de Desenvolvemento Rexional- achega axudas do 80% dos investimentos realizados en proxectos que teñan como obxecto a implementación de tecnoloxías dixitais para a adaptación á situación provocada pola covid-19, como o teletraballo, as solucións de conectividade no eido rural, ou sistemas de notificación e de control sanitario e aforo, entre outros. Os gastos realizados deberán ser dun mínimo de 1500 euros e un máximo de 12.000 euros.
Novas axudas activadas para apoiar os sectores máis vulnerables
A Vicepresidencia segunda mantén activas novas medidas destinadas a apoiar aos colectivos e sectores máis prexudicados pola pandemia. Nese sentido, lembrou que o programa de axudas que xestiona o Igape dirixido aos establecementos hostaleiros e de restauración achegará tres millóns de euros en apoios directos para permitir adecuar os espazos exteriores e adquirir elementos de envasado de comida e bebida para a entrega a domicilio ou a recollida no local. Poden solicitalas autónomos e pemes de menos de 50 traballadores e cubrirán o 80% do investimento, sendo a axuda mínima de 1200 euros e máxima de 20.000. Inclúen ademais a achega de anticipos no momento da resolución favorable pola metade da contía da axuda.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
