Foz, 22 de xaneiro de 2021. AciaFozCCA colabora coa Escola de Música Municipal cunha achega destinada á compra de instrumentos e accesorios para o centro, que conta con 200 alumn@s e 7 docentes.
Felipe Sánchez, director da Escola de Música Municipal de Foz, sinalou que “para a miña sorpresa e para sorpresa da Escola foi unha grata noticia que desde AciaFozCCA quixeran poñer ese grao de area e colaborar tamén cos recursos da Escola. É de estar moi agradecido. Paleo achegouse á Escola e comentoume que querían apoiar as iniciativas da Escola, que vían o potencial que tiña e que querían aportar unha pequena axuda. E, tendo en conta as necesidades que tiñamos, distribuímos esta axuda entre varias especialidades, entre violín, percusión, música e movemento e música moderna, un pouco quixemos suplir algún material que se precisara e agradecéndoo moitísimo. Entre ese material hai algún accesorio para os violíns, soporte para a barbilla do violín, algunha ponte, un prato que nos faltaba para unha batería, tamén trouxemos unha guitarra acústica para os grupos de música moderna, un amplificador, unhas campás para música e movemento e algunhas baquetas para xilófonos, cousas pequenas pero que a nós nos fan servizo e nos axudan a levar a cabo mellor o traballo”.
O director do centro referiuse tamén ao apoio do Concello: “non só é bo a nivel material senón tamén de persoal. É moi importante o apoio do Concello para nós e tamén a nivel de instalacións. A Escola medrou moito, somos 200 este ano, mantémonos máis ou menos como nestes anos atrás, é importante porque as infraestruturas son un pouco limitadas, pero é importantísimo o apoio do Concello e, neste caso, AciaFozCCA tivo tamén un detalle moi bo con nós”.
A Escola de Música Municipal de Foz conta con sete docentes e oito especialidades: “temos percusión; vento-madeira, que sería clarinete, saxo e frauta; vento-metal, violín, guitarra e piano; e tamén a materia de música e movemento, enfocada a nenos e nenas entre 4 e 8 anos”.
Sobre a organización do traballo na Escola de Música Municipal de Foz o seu director, Felipe Sánchez, explicou que “na situación actual, debido á pandemia, non é fácil impartir as materias. As ensinanzas individuais é máis sinxelo porque con manter as distancias de seguridade, incluso para instrumentos de vento cunha mampara protectora, se poden impartir sen ningún problema, xa que as aulas dan a distancia como para que dúas persoas estean co protocolo establecido. Pero o problema son as materias grupais, xa que precisan duns espazos moi amplos para levarse a cabo con todas as garantías, entón temos que desprazarnos a instalacións fora da Escola para poder impartir, por exemplo, as clases de coro, as clases dos grupos de música moderna ou os grupos de pre banda, banda infantil e banda adulta tamén. Iso si que nos trastoca un pouco o habitual funcionamento porque temos que coller o material, achegalo ao local e o profesorado ten que estar desprazándose da Escola a un local e a outro para impartir as clases, pero facémolo coa mesma ilusión e as mesmas ganas de seguir facendo o traballo e intentar transmitirlle aos alumnos o entusiasmo que a nós nos leva facer este sacrificio”.
Sánchez subliñou: “é moi importante o apoio institucional e estamos moi agradecidos da que a Acia faga isto. Non é só un xesto económico senón que indica que valoran o traballo que se está a levar a cabo na Escola e a labor do equipo deste centro”.
O presidente de AciaFozCCA, José Carlos Paleo, manifestou que “desde AciaFozCCA seguimos colaborando con distintos colectivos culturais, deportivos e sociais. Esa é a base para impulsar o noso pobo. E nesta nova colaboración son 200 alumnos ou familias. Desde o comercio e desde a hostalería estamos observando o incremento de compras nos nosos negocios, ademais os membros da Escola de Música Municipal son embaixadores permanentes do noso pobo, así como das distintas actividades e actuacións que fan ao longo do ano”.
Paleo engadiu: “queremos felicitar a esa gran familia que forman alumnos e profesores. Xuntos mais fortes, o comercio fai pobo”.
AciaFozCCA colabora coa Escola de Música Municipal cunha achega destinada á compra de instrumentos e accesorios para o centro
Relacionado
-
Cariño reforza a conciliación familiar cunha ampla oferta de actividades deportivas e culturais para o verán
-
O BNG de Viveiro presenta 32 alegacións e reclama manter a variante integrada na VAC Costa Norte
-
A Deputación reforza a seguridade viaria en Cervo coa limpeza de cunetas en cinco estradas provinciais
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
