Lugo, 04 de xaneiro de 2021. O PP de Lugo ten expresada reiteradamente a súa preocupación pola continua perda de poboación da maioría dos concellos da provincia. Por ese motivo, o Partido Popular, baixo a dirección da súa presidenta provincial, Elena Candia, promoveu unhas xornadas de debate nas que, co título O Reto Demográfico, os recoñecidos especialistas en diferentes áreas que interviñeron aportaron ideas, suxestións e experiencias para frear o despoboamento. Agora, cos datos que demostran que o problema se agrava, o portavoz provincial dos populares, Javier Castiñeira, di que “foi unha moi mala decisión do goberno da Deputación eliminar das bases do Plan Único 2021 a loita contra o despoboamento, a loita para superar o reto demográfico; incluír fondos para este fin foi unha proposta xa feita no ano 2020 polo PP, que entón se aceptou e que retirou o goberno provincial no Plan Único para o ano que acaba de comezar”. É, di Castiñeira, moito máis lamentable porque, de novo, “os datos demográficos son moi malos na provincia de Lugo, que bate un novo récord negativo neste sentido”.
Castiñeira sinala: “Pedimos ao goberno provincial que pense nun plan para combater o despoboamento, para mellorar a demografía da nosa provincia, moi envellecida e con continua perda de poboación en moitísimos concellos. A Deputación de Lugo, se debe ter un obxectivo, debe ser precisamente o de tratar de motivar á xente para vivir no rural. Para elo é necesario investir no rural e para iso hai que ter un proxecto claro, un plan; pedimos ao goberno da Deputación que o deseñe xunto cos concellos e que se consensúe coa oposición. Todas as administracións deben traballar neste terreo, pero moi especialmente a Deputación de Lugo e ten que facelo coas empresas, cos colectivos profesionais, cos grupos políticos e cos concellos”.
O portavoz provincial dos populares sostén que ”é necesario deseñar e poñer en práctica un conxunto de medidas para frear e reverter o proceso de despoboamento do rural, que é unha das maiores enfermidades que ten a nosa provincia”. Expresa a súa preocupación polo feito de que “o goberno provincial non só non fai nada para combatela, senón que, ao contrario, retirou as axudas que propoñía o PP no Plan Único 2021 para afrontar o reto demográfico”.
Castiñeira apunta unha liña de traballo: “Temos unha oportunidade que son os fondos europeos para a recuperación, os fondos Next Generation, que fan fincapé no reto demográfico e na loita contra o despoboamento. Queremos que a Deputación traballe nese sentido e deseñe un plan encamiñado a buscar financiamento neses fondos; é posible facelo de maneira conxunta entre as entidades empresarias e profesionais, os partidos políticos, os concellos e as diferentes administracións”.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
